Tewayingidde

Wewaandiise kati ku mukutu gwa Taa otandike okuyiga, ogoberere enkulaakulana yo, okunngaanye obubonero era oyingire empaka, oluvannyuma lw'okwewandiisa, ojja kufuna satifikeeti ey'omutimbagano ku miramwa gy'osomye

Omusomo Okujulira nti mazima Muhammad mubaka wa Allah

Okujulira nti "mazima Muhammad Mubaka wa Allah" kye kitundu eky'okubiri mu kujulira okw'emirundi ebiri

Okumanya amakulu gw'okujulira nti mazima Muhammad Mubaka wa Allah.

count: Omuyizi omulala yamaliriza omusomo guno

Enzivuunula z'omusomo guno ziri mu nnimi zino wammanga:

አማርኛ العربية বাংলা English Español Français هَوُسَ हिन्दी Bahasa Indonesia ភាសាខ្មែរ 한국어 മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Amakula g'okujulira mazima Muhammad ebyengera n'emirembe bibeere ku yye mubaka wa Allah

Okukakasa ebyo bye yayogera n'okumugondera mwebyo bye yalagira n'okwesamba ebyo bye yaziyiza n'obutasinza Allah okujjako n'ebyo bye yatuyigiriza. Era nga mulimu bino ebigoberera:

1- Okukakasa amawulire ago Mubaka ebyengera n'emirembe bibeere ku yye , geyatubuulira mu bintu byonna, omuli:

Ensonga z’ebitalabikako n’olunaku olw’enkomerero, Ejjana n’essanyu lyayo, ne Geyeena n’ebibonerezo byaayo.

Ebyo ebigenda okubaawo ku lunaku lw’amazuukira n’obubonero bwalwo, n’ebigenda okubaawo mu kiseera ky'enkomerero.

Amawulire g’abaasooka n’ebyo ebyaliwo wakati wa Bannabbi, emirembe gibeere ku bbo, n’abantu baabwe.

2-Okugondera ebilagirwo bya Nabbi ebyengera n'emirembe bibeere ku yye n'okuleka ebyeyaziyiza mulimu:

Okumugondera Nabbi ebyengera n'emirembe bibeere ku yye mwebyo bye yalagira; mu kusinza ne mu milimu emilungi ne mumpisa ennungi

Okwesamba ebyo bye yaziyiza mu bya gaanibwa, ne mu mpisa embi n'emuneeyisa ekosa, Enzikiriza yaffe eri nti okugaanibwa ebintu byonna ebigaanibwa kwesigamiziddwa ku kigendererwa Allah kyayagala, ku lw'emigaso egy'inda gy'etuli, wadde ng’ekigendererwa oluusi kiyinza okutwekweeka.

Okukakasa kwaffe mazima Mubaka tayogera nga asinziira ku kwagala (kwe). naye okugyako okuba nti bubaka obuwereezebwa, nga Allah bwe yagamba:(Omuntu agondera omubaka mazima aba agondedde Allah) (Nisaa:80).

Enzikiriza yaffe eri nti buli ajeemera ekiragiro kya Nabbi ebyengera n'emirembe bibeere Ku yye agwanidde ekibonerezo ekiruma, nga Allah Omugulumivu bwe yagamba:(abo abaawukana ku kigambokye bateekeddwa okutya okuba nga batuukwako okugezesebwa oba ebibonerezo ebiruma ennyo.) (Al Nuuru:63).

3- Obutasinza Allah okujjako n'ebyo bye yatuyigiriza Nabbi ebyengera n'emirembe bibeere ku yye, era nga mulimu ebintu bingi ebikakata:

Okugoberera omubaka wa Allah ebyengera n'emirembe bibeere ku yye

Omubaka wa Allah ebyengera n'emirembe bibeere ku yye kyakulabirako kyaffe, era omuddu yeeyongera okusemberera eri Omulezi we era asituka mu maddala eri Mukama we, gy’akoma okugoberera obulunngamu bwe ne Sunnah z'ebigambo n'ebikolwa n'ebyeyakkiriza n'ebyeyasiima, nga Allah bwe yagamba:(Gamba abantu (ggwe Muhammad) nti bwe muba mwagala Allah, kale nno mungoberere Allah ajja kubaagala era abasonyiwe ebyonoono byammwe, bulijjo Allah musonyoyi musaasizi.) (Al Imreen 31)

Amateeka majjuvu

Omubaka wa Allah ebyengera n'emirenbe bibeere ku yye, yatuusa eddiini n’amateeka mu bujjuvu era nga temuli bukeendeevu, Tekikkirizibwa muntu yenna kuleeta ngeri ya kusinza gy’atatulagira Omubaka ebyengera n'emirembe bibeere ku yye.

Amateeka g'Allah gasaanira buli kiseera n'ekifo

Amateeka g’eddiini agajja mu kitabo kya Allah ne Sunnah z’Omubaka wa Allah ebyengera n'emirembe bibeere ku yye, Gasaanira buli kiseera n’ekifo Tewali asinga okumanya ebirungi by’omuntu okusinga Oyo Eyamutonda n'amureeta mu bulamu okuva mu butabeerawo.

Okukolela ku Sunnah

Kikakata okukiliza kw'emilimu okujikola Ku lwa Allah (ne niyya nti ojikola kulwa Allah) ne okuba nti omulimu gukwatagana n'amateeka g'Omubaka wa Allah ebyengera n’emirembe bibeere ku yye, ge yatulagira, ne Allah Omugulumivu yagamba nti: (Kale oyo asuubira okusisinkana Mukama we, akole emirimu emituukirivu so si kumugattako balala mu kusinza Mukama we) (Al-Kahf: 110). Amakulu ga (omutuukirivu): nga kituufu era nga kikwatagana ne Sunnah za Nabbi ebyengera n'emirembe bibeere ku yye.

Okugaanibwa kw'okuzuula mu ddiini

Oyo yenna ayiiya ekikolwa eky’okusinza ekitali mu Sunnah ya Nabbi ebyengera n'emirembe bibbere ku yye, n’ayagala okusinza Allah nakyo, alinga omuntu ayiiya esswala mu ngeri endala etali ya mateeka g'abusiraamu ; Aba atyoboode ekiragiro kya Nabbi ebyengera n'emirembe bibeere ku yye ayonoonye olw’ekikolwa ekyo era ekikolwa kye kijja kugaanibwa. Allah Omugulumivu yagamba nti: {Era bateekwa beekeke abo abaawukana Ku kiragiro kye okubatuukako akabi oba ebibonyobonyo ebiruma } (An-Nur: 63), era Nabbi, ebyengera n'emirembe bibeere ku yye, yagamba nti: (Oyo yenna anazuula mu nsonga yaffe(eddinni yaffe) eno ekintu ekitali kyamu yo, kijja kugaanibwa” (Bukhari 2697, 1718).)

Okwaagala Nabbi ebyengera n'emirembe bibeere Ku yye

Ne mubikakata okukiriza Nabbi ebyengera n'emirembe bibeere Ku yye okuba nga Allah n’omubaka we babeere basinga okwagalibwa eri omukkiriza okusinga buli kimu, nga Nabbi ebyengera n'emirembe bibeere ku ye, bwe yagamba nti: “Omu ku mmwe tafuka mukkiriza mujjuvu okutuusa nga nze asinga okwaagalwa gy’ali okusinga kitaawe, omwana we, n’abantu bonna.” (Bukhari 15, Muslim 44).

Mazima omusomo ogumaliriza bulungi

Tandika ekibuuzo

Kyusa olulimi

Sigala ng'oyiga

Recently viewed

Recent Members

Emisomo