Ekitundu ekiriwo kati: Obukkiriza
Omusomo Okukkiriza okusinzibwa kwa Allah
Amakulu g'okwawula Allah mu kumusinza
Okukakasa okunywevu nti Allah Omugulumivu mu bwa nnamunigina bwe yagwanidde okusinzibwa mu kusinza kwonna okweyolefu n'okwekyama, nabwekityo twawula Allah mu miteeko gyonna egy'okusinza, nga okusaba, okutya, n'okwesigamira, okusaba okuyambibwa, okusaala, okutoola Zakah, okusiiba, ddala teri kisinzibwa mu butuufu okujjako Allah Omugulumivu, nga bweyagamba Oyo eyayawukana: (Omusizibwa wa mmwe ali omu, kale nno, buli yenna asuubira okusisinkana Mukama omulabiriziwe ateekwa okukola emirimu emirungi era mu kusinza n’atagatta kintu kyonna ku Mukama Omulabiriziwe.) (Al Kahf: 110).
Atutegeeza Owawaggulu nti Allah Ali omu, kwegamba Asinzibwa Ali omu, era tekikkirizibwa kuteekawo kisinzibwa kitali Yye wadde okusinzibwa kwekyo ekitali Yye.
Obukulu bw'okwawula Allah mu kumusinza:
Bweyoleka obukulu bw'okwawula Allah mu kumusinza mu ngeri nyingi:
Ddala kyekigendererwa ekikulu lwaki amageege (amajinni) n'abantu byatondebwa
Tetwatondebwa okujjako okusinza Allah yekka mu bw'omu Bwe nga tagattiddwaako, nga bwe yagamba Omugulumivu:(Saatonda amageege (amajinii) n'abantu wabula Ku lwa kunsinza.) (Addhaariyaat: 56).
Kubanga ky'ekigendererwa ekikulu mu kutumibwa kwa ababaka n'okussa ebitabo
Ng'ekigendererwa mwekyo kw'ekukoowoola ebitonde okusinza Allah yekka, n'okuwakanya byonna ebisinzibwa ebitali Yye, nga bwe Yagamba Omugulumivu: ( Mazima buli bantu twabatumira omubaka (nga agamba) nti musinze Allah mwewale ebisinzibwa ebirala byonna.) (Al Nahli:36).
3.Mazima kye ky'obweteekwa ekisooka eri omuntu.
Nga bwe kyajja mu kiraamo kya Nabbi ebyengera n’emirembe bibeere ku yye eri Muadh ibn Jabal Allah amusiime bwe yamusindika e Yemen, ng’amugamba nti: “Ogenda eri bannannyini kitabo, kibeere ekintu ekisooka okubakoworelako kusinza Allah Omugulumivu” (Bukhari 1458, Muslim 19).
4.Mazima Okwawula Allah mu Ku musinza (Tawhiid al Uluhiyyah) ge makulu amatuufu aga "Tewali asinzibwa mu butuufu bwakusizibwa okuggyako Allah.
Katonda y’oyo asinzibwa, era amakulu ga “Tewali asinzibwa mu butuufu okuggyako Allah ge gano: Tewali asinzibwa wa mazima okuggyako Allah. Tumusinza yekka era tetukyusa kika kya kusinza kwonna eri kintu kilala kyonna.
5. Okukkiriza okusinza Allah kiva mu magezi okuva mu kukkiriza nti Allah yekka ye Mutonzi, Omufuzi, era Omugoba w’ensonga.
