Tewayingidde

Wewaandiise kati ku mukutu gwa Taa otandike okuyiga, ogoberere enkulaakulana yo, okunngaanye obubonero era oyingire empaka, oluvannyuma lw'okwewandiisa, ojja kufuna satifikeeti ey'omutimbagano ku miramwa gy'osomye

Omusomo AMATEEKA N'EMPISA Z'OKUSOMA QUR'AN ENTUKUVU

Qur’an Entukuvu bigambo bya Allah Omuyinza w’ebintu byonna, era kikakata kwo’oyo agisoma okumanya amateeka n’empisa z’okugisoma. Mu ssomo lino ojja kuyiga agamu ku mateeka gano n’empisa.

Okuyiga amateeka n’empisa z’okusoma Quran Entukuvu.

count: Omuyizi omulala yamaliriza omusomo guno

Enzivuunula z'omusomo guno ziri mu nnimi zino wammanga:

አማርኛ العربية বাংলা English Español Français هَوُسَ हिन्दी Bahasa Indonesia ភាសាខ្មែរ 한국어 മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Empisa z'okusoma Quran Entukuvu

Waliwo empisa ezirina okutunuulirwa ng’osoma Qur’an okusobola okusoma okukkirizibwa era okulimu n’okusasulwa empeera, n'ezimu ku mpisa zino zibeerawo nga tonnasoma ate ezimu zibeera mu kiseera ky’okusoma.

ENNAMULA Y'OKUKWAATA QUR'AN MU MUTWE

Okukwata Qur’an Entukuvu yonna mu mutwe kyatteeka kyakumalirigana eri Umma Abamanyi bakkiriziganyako, singa omuwendo gw’Abasiraamu ogumala gukola kino, ekibi kiggyibwa ku basigadde.

Buli Musiraamu alina okukwata mu mutwe ekigero ekituusisa esswala ye okuva mu Qur’an, nga nayo ye Al-Fatihah.

Kirungi Omusiraamu okukwata Qur’an mu mutwe nga bw’asobola n’okugiyiga ebisingawo, mu kukwata Qur’an Entukuvu mu mutwe mulimu obulungi bunene n'empeera ennene.

Hadith eva ku Aisha, Allah amusiime, nga ajijja ku Nabbi, okusaasira n’emirembe bibe ku yye, yagamba nti: “Ekyokulabirako ky’oyo asoma Qur’an n’agikwata mu mutwe abeera wamu n'abawandiisi ab’ekitiibwa n’abatuukirivu (bamalaika).”Al-Bukhari (4937).

ENNAMULA Y'OKUSOMA QUR'AN ENTUKUVU

Kirungi Omusiraamu okusoma Qur’an Entukuvu, n’okukiyitiriza nga bw’asobola. Allah Omuyinza w’Ebintu Byonna yagamba nti: “Mazima abo abasoma Ekitabo kya Allah ne bayimirizaawo esswala , ne bawaayo okuva mu bye twabawa, mu kyama ne mu lujjudde, basuubira eby’obusuubuzi ebitaggwaawo [Fatir 29].

ENNAMULA Y'OKUWULIRIZA N'OKUSIRIKA NGA QUR'AN ESOMWA

Omusiraamu alina okuwuliriza n’okussaayo omwoyo ku kusoma Qur’an ka kibeere mu sswala ey’etteeka oba mu kubuulira kwa Juma, nga Allah Omuyinza w’ebintu byonna bw’agamba nti: “Era Qur’an bw’eba esomebwa, mugiwulirize era musirike musobole okufuna okusaasirwa.”[Al-A’raf: 204].

Kirungi okuwuliriza n'okusirika nga Qur’an esomwa mu bifo ebitali ebyo kubanga kiraga empisa n’okussa ekitiibwa mu bigambo bya Allah Omuyinza w’ebintu byonna.

ENNAMULA Y'OKUKOLERA KU QUR'AN ENTUKUVU

Kyatteeka ku buli muntu okukkiriza Qur’an Entukuvu n’okukolera ku mateeka gaayo, nga ofuula Halal ebyo by'efuula Halal, n'ofuula Haram by'efudde Haram, n'okuyimirira notakola mu kaseera nga eziyizza, n'okuteeka mu nkola ebiragiro byayo, n'okujikolerako.

Allah Omuyinza w’ebintu byonna yagamba nti: {Abo be twawa ekitabo bakisoma mu butuufu bw'okisoma} (Al-Baqarah: 121), Yagamba Ibun Mas'oodi ne Ibun Abbas Allah abasiime, bagamba nti: Bafuula ebyo bye byeyafuula Halal nga biri Halal, n'ebiri Haram nga bya Haram, era tebabikyusakyusa kuva mu bifo byabyo ebituufu. (Okuvvuunula kwa Ibn Kathir 403/1).

Hadith eva ku Abdullah bin Masoud, Allah amusiime, yagamba nti: “Twabeeranga nga bwetuyiga aya kkumi eza Qur’an okuva ku Nabbi, okusaasira n’emirembe bibe ku yye, tetuyiga kkumi ezo eziddako oluvannyuma lwa zino okutuusa lwe tumanya ekili muzo.”Al-Hakim (2047). Okwogera kwe nti: “Ebiri mu zo” kitegeeza: ekiri mu zo eky’okukolerako, ng’omu ku banyumya hadiisi bwe yannyonnyola.

Okusoma Qur’an buli kiseera n’obutagisuula kujisenguka

Omusiraamu alina okwemanyiiza n'okwekwaata ku kujisoma, era tasaanidde kuleka lunaku lumu nga tasomye kintu kyonna mu Qur’an aleme kukyerabira oba okukisenguka, Allah Omuyinza w’ebintu byonna yagamba nti: “ Era Omubaka ajja kugamba nti, ‘Ayi Mukama wange, mazima abantu bange baafuula Kur’an eno okuba ekintu eky’okulekebwawo (ekyasengukwa).’” [Al-Furqan: 30].

Hadith eva ku Abu Musa, Allah amusiime, nga ajijja ku Nabbi, okusaasira n’emirembe bibe ku yye, yagamba nti: “Soma Qur’an buli kiseera, kubanga ndayira oyo alina omwoyo gwange mu ngalo ze , yyo y'esinga okutoloka okusinga eŋŋamiya esibiddwa.” Al-Bukhari (5033) Omuwandiisi w’ebitabo.

Empisa nga tonnasoma Quran Entukuvu:

Okubeera nga akola ku lwa Allah mu kusoma kwe, nga agenderera kusiimibwa Allah, ng’agendereramu n’okunoonya empeera ye, nga Allah Omuyinza w’ebintu byonna bw’agamba nti: “Era tebalagirwa wabula okusinza Allah, nga bamutukuliza eddiini kululwe” (Al-Bayyinah: 5). Empisa zino era zirina okutunuulirwa nga tonnasoma Qur’an, ne mu kiseera ky’okusoma.

Okwetukuza okuva mu bucaafu obunene n’obutono, nga Allah Omuyinza w’ebintu byonna bw’agamba nti: “Tewali muntu yenna ajikwatako okuggyako abatukuvu” (Al-Waqi’ah: 79).

Okuyonja akamwa ke n'asenya kubanga lye kkubo lya Qur’an, Hadith eva ku Hudhayfah, Allah amusiime: “Nabbi, okusaasira n’emirembe bibe ku yye, bwe yayimirira okusaala ekiro, yayonjanga akamwa ke n'akasenya.”

Okutunula mu qiblah nga osoma, kubanga lwe ludda olusinga ekitiibwa, mu byayogerwa okuva ku Abu Hurairah, Allah amusiime, nti yagamba nti: Omubaka wa Allah, okusaasira n’emirembe bibe ku yye. yagamba nti: “Buli kintu kirina mukama wakyo, era mukama w’enkuŋŋaana kwe kutunula mu qiblah". yayogerwa al-Tabarani (2354) ng’alina olujegere olulungi .

Okusoma Isti'aztha, nga Allah Omuyinza w’ebintu byonna bw’agamba nti: “Kale bwe musomanga Qur’an, munoonye obuddukiro eri Allah okuva eri Sitaani, eyakolimirwa [An-Nahl: 98].

Okusoma “BISMILLAAHI RAHMAN RAHIIM” nga tutandika ku ntandikwa ye ssuula. Hadith eva ku Anas, Allah amusiime, yagamba nti: Omubaka wa Allah , okusaasira n’emirembe bibe ku yye, yali mu ffe olunaku lumu, n’azirika n’oluvannyuma n’ayimusa omutwe ng’amwenya Twagamba nti: Kiki ekikusesezza, owange Omubaka wa Allah n’agamba nti: “Nzisiddwako gyendi essuula Al-Kawthar, olwo n’asoma nti: BISMILLAAHI RAHMAN RAHIIM “Mazima twakuwa oluzzi, [Ayi Muhammad], Al-Kawthar. Saala ku lwa mukama wo era osale ebisolo. Mazima akuvumirira akuyita ow'enkuggu, ye yewenkuggu. [Al-Kawthar: 2], Muslim(400).

Empisa mu kiseera ky’okusoma Quran Entukuvu:

Okusoma Qur’an mpola era mu bwegendereza, nga Allah Omuyinza w’ebintu byonna bw’agamba nti: “Era soma Qur’an okusoma okusinga obulungi” (Al-Muzzammil: 4).

Okusoma Qur’an ne Tajweed Anas, Allah amusiime, yabuuzibwa nti: Nabbi wa Allah okusaasira n’emirembe bibe ku yye, ensoma ye yabeeranga etya? N'agamba nti: “Yalinga awangaaza.” Oluvannyuma nga asoma nti: BISMILLAAHI RAHMAN RAHIIM. Nga awangaaza Bismillah, era nga awangaaza Ar-Rahman, era awangaaza Ar-Raheem (5046).

Okulongoosa eddoboozi ng’asoma. Al-Bara’ bin Azib, Allah amusiime, yagamba nti: Omubaka wa Allah okusaasira n’emirembe bibe ku yye, yagamba nti: “Muyooyoote Kur’ani n’amaloboozi gammwe.” Dawud (1468) .

Okusaba Allah ku Aya y’okusaasira, n'okwekingiriza ku aya y’ekibonerezo, n’okugulumiza Katonda ku Aya y’okugulumizibwa Mu hadith ya Hudhayfah n’okusaala kwe n’omubaka wa Allah , okusaasira n’emirembe bibe ku yye, yagamba: “Awo n’atandika Al Imran n’agisoma, ng’asoma mpola mpola aya omuli okugulumizibwa, nga agulumiza Allah , era nga bwayita ku kusaba... nga asaba, era bw’ayita awali okwekingiriza ng’anoonya obuddukiro. .”Muslim (772).

Kyaagalwa okuvunnama singa wabaawo okuvunnama kw’okusoma. Hadith eva ku Aisha, Allah amusiime, yagamba nti: Omubaka wa Allah , okusaasira n’emirembe bibe ku yye, yatera okugamba mu kuvunnama kwa Qur’an ekiro, nga agamba mu kuvunnama kwe emirundi ejiwera: “SAJADA WAJIHIYA LILLAZHTI KHALAQAHU WASHAQQA SAM'AHU WA BASWARUHU BI HAWULIHI WAQUWWATIHI.”

Okukuuma obwetoowaze, obutebenkevu n'obukkakkamu nga osoma, Allah Omuyinza w’ebintu byonna yagamba nti: “Kino kitabo eky’omukisa kye twassa gyooli, [Ayi Muhammad], balyoke bafumiitiriza ku Aya zaakyo era bebulire nakyo bannannyini magezi amalamu.” Swad: 29].

Mazima omusomo ogumaliriza bulungi

Tandika ekibuuzo

Kyusa olulimi

Sigala ng'oyiga

Recently viewed

Recent Members

Emisomo