د اسلام دریم رکن دی،او دا مالي حق دی چې الله په مالدارو فرض کړی،چې فقیرانو ته یې ورکړي،یا نورو مستحقینو ته ،دې لپاره چې د هغوۍ حاجت ختم شي

۱. انساني فطرت دی چې د مال سره محبت کوي،لهذا انسان د مال ډیر حریص دی،نو شریعت زکات فرض کړی، چې نفس د بخل څخه پاک کړی شي،او ددنیا د محبت علاج وکړی شي،الله فرمايي: (خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِمْ بِهَا) (التوبة: 103).ددوۍ د مال څخه زکات واخله چې پّه هغې سره ددوۍ صفايي وکړی شي

۲.د زکات په ادا کولو سره الفت او محبت پیدا کیږي،ځکه د انسان فطرت کې ده چې څوک ورسره احسان وکړي، د هغه سره یې مینه پیدا شي،او پدې سره په معاشره کې د مسلمانانو مابین کې محبت راځي نو د یو مضبوط دیوال پشان د یو بل سره نژدې ولاړ وي،او د غلا وغیره حوادث پدې سره کمیږي.

۳. په زکات ورکولو سره انسان د خپلې عاجزۍ او بندګۍ اظهار کوي،چې زه الله ته تابعدار یم،نو کله چې مالدار سړی مال ورکړي،د شریعت د حکم تطبیق وکړي،او د الله شکر ادا کړي، پدې نعمت باندې،او الله به ورته ضرور ددې شکر بدله ورکړي هغه فرمايي:(لَئِنْ شَكَرْتُمْ لَأَزِيدَنَّكُمْ) (إبراهيم: 7).که تاسو شکر وکړۍ،نو زه به ستاسو لپاره په هر شي کې زیادت وکړم.

۳.پډې سره اجتماعي توازن او د معاشرې د افرادو مابین کې مساوات راځي،ځکه د یو کس سره مال نه پاتې کیږي،چې بل ترې محروم وي،همدا وجه ده چې الله فرمايي:: (كَيْ لَا يَكُونَ دُولَةً بَيْنَ الْأَغْنِيَاءِ مِنْكُمْ) (الحشر: 7).دې لپاره چې دا مال صرف د مالدارو په لاس کې پاتې نشي.

اسلام د زکات مصارف بیان کړي،او د مسلمان لپاره جایز ده چې پدې کې يې یو صنف ته ورکړي،یا د یو نه ډیر ته ،یا یوې موسسې ته کومه چې مال پّ مستحقینو باندې تقسیموي،او بهتره ده چې پخپل ملک کې یې تقسیم کړي