Ang Zakat ay ang ikatlong haligi mula sa mga haligi ng islam, at ito ay isang pinansiyal na obligasyon na ipinataw ng Allah sa mga mayayaman upang maibigay sa mga mahihirap, nangangailangan at iba pang karapat-dapat na mga tao na isang takdang bahagi mula sa mga pera nila (mga mayayaman) upang maalis ang kanilang (mga mahirap) paghihirap.

1. Ang pagkahumaling sa pera ay kalikasan ng tao na nagdadala sa kanya upang maging labis na masigasig sa pangangalaga nito at mapanatili ito, kaya ginawa ng Shari'a na obligado ang pagbibigay ng Zakat bilang paglilinis sa sarili mula sa kasamaan ng pagiging kuripot at pagiging maramot, at upang remediyuhan ang pagkahumaling sa mundo at kumapit sa pagkawasak nito. Sinabi ng Allah na Kataas-taasan: {Kumuha ka mula sa kanilang mga kayamanan ng kawanggawa na maglilinis sa kanila at magdadalisay sa kanila sa pamamagitan nito}. (At-Tawbah: 103).

2. Ang pagbibigay ng Zakat ay mapapatunayan sa pamamagitan nito ang pundasyon ng pakikipag-ugnayan at pagpapalagayang-loob, dahil ang kaluluwa ng tao ay natural na magmahal sa sinumang gumawa ng kabutihan sa kanya, at dahil doon ang mga miyembro ng pamayanang Muslim ay namumuhay nang nagmamahalan, magkakaugnay, tulad ng isang matibay na gusali na nagpapatibay sa isa't isa, at nababawasan ang mga insidente ng pagnanakaw, pandurukot at panghoholdap.

3. Mapatutunayan sa pamamagitan ng zakat ang kahulugan ng pagkaalipin, ang lubos na pagpapakumbaba, at ang ganap na pagsuko sa Allah, ang Panginoon ng mga nilalang, sa oras na inilalabas ng isang mayamang tao ang Zakat ng kanyang kayamanan, siya ay nagpapatupad sa Batas ng Allah, at nagsasakatuparan ng Kanyang utos, at sa paglabas nito, pinasalamatan niya ang tagabiyaya -na kataas-taasan at kapita-pitagan- sa biyayang iyon, at ang Allah ay magbibigay sa kanya ng gantimpala dahil sa pasasalamat na ito {Kung kayo ay nagpasalamat, tiyak na ako ay magdaragdag sa inyo (ng mga biyaya)}. (Ibrahim: 07).

4. Mapatutunayan sa pamamagitan ng pagpapatupad nito ang konsepto ng panlipunan na kaligtasan, at ang relatibong balanse sa pagitan ng mga grupo ng lipunan, at sa pamamagitan ng pagbibigay nito sa mga may karapatan nito, hindi mananatili ang kayamanan sa pananalapi na nakasalansan sa mga kamay ng mga grupong pinaghihigpitan mula sa lipunan at minamaliit sa kanila. Ang Allah na Kataas-taasan ay nagsasabi: {Upang hindi maging palipat-lipat ito sa pagitan ng mga mayayaman sa inyo}. (Al-Hash'r: 07).

Nilimitahan ng Islam ang mga kategorya ng tao na dapat bigyan ng Zakat. At pinahihintulutan ang isang Muslim na ilagay ito sa isang kategorya o higit pa sa mga kategoryang ito, o ibigay ito sa mga institusyon at organisasyon ng kawanggawa na namamahagi nito sa mga may karapatan nito mula sa mga Muslim, at ang pinakamainam ay ipamahagi ito sa loob ng bansa na tinitirahan ng nagbigay ng zakat.