kutaan ammaa model
Barnoota mata duree zakaa maalummaafii ergama isii.
zakaan roga sadaffaa islaamaati, isiin dirqama qabeenya keessa kaayame. kan Rabbiin qabaattonni harka beekamaa taheen qabeenya isaaniiraa qoodanee rakkataa hiyyeessaafii kkf akka gargaaran ajajeedha. isiin waggarraa kennamti.
1- qabeenya jaalachuun xabiiaa ilma namaati. tanaaf nijabbeeffata. lubbuu namaa fokkinna doynummaaraa qulqulleessuuf Rabbiin zakaa baasuu dirqama godhe. rakkoo jaalala duniyaa ummatarraa wal'aanuuf. Rabbiin akkana jedhe "qabeenya isaaniirraa sadaqaa isaan qulqulleesitu tan isaan xahaartu irraa fuudhi..." tawbah 103
2- zakaa kennuun hariiroo ummataati tolcha, lubbuun ilma nama nama isiitti tola oole jaalachurratti kaayamte. kanaan maatiin hawaasa muslimaa waljaalachaa walqabachaa jiraatan. akka gidaara jabaa tokkootti waljajjabeessanii jajjabaatan. yakki hannaafii saaminaa nixiqqaatti.
3- zakaan gabrummaa Rabbii namaaf mirkaneessa. Rabbiif ajajmuu namaaf guuta, qabaataan yeroo zakaa qabeenya isaa baasu ajaja Rabbii hojirra oolacha, ajaja isaati raawwata, isii baasuu keessatti galata Rabbii isaa kennee galchuutu keessa jira. Rabbiin galata sanirratti mindaa isaaf galcha. Rabbiin akkana jedhe "yoo nagalatoonfattan isiniifin dabala". ibraahiim 7.
4- isii kennuudhaan gargaarsi hawaasummaa walqabachuun sabaa argamti. isii baasuudhaan sirni gareen takka qabeenya tuullattee hawaasni guddaan biraa rakkachuu dhabama. akkuma Rabbiin jedhe "qabeenyi dureeyyii isinirra tahe qofa jidduu deddeebituu akka hintaaneef..." hashri 7.
seerri islaamaa nama zakaan qoodamtuuf ibsee jira. garee sanirraa tokkof kennanis nitaha, hedduuf adda qoodanis nitaha. akkasuma waldayaafii dhaabbata tola oolaa islaamaa kan rakkataa biraan gayutti baasuunis nitaha. irra caalaan biyyuma keessa jiranitti baasuudha.
