ప్రస్తుత విభాగం : model
పాఠం ఉపవాసాన్ని భంగపరిచే అంశాలు
ఉపవాసాన్ని భంగపరిచే అంశాలు
ఇవి ఉపవాసం ఉన్న వారు దూరంగా ఉండవలసిన అంశాలు, ఎందుకంటే ఇవి ఉపవాసాన్ని భంగపరుస్తాయి
తన దివ్య గ్రంధములో అల్లాహ్ ఇలా సెలవిస్తున్నాడు : తొలిజాములోని తెలుపు నడిరేయి నల్లని చారలో నుండి ప్రస్ఫుటం అయ్యే వరకూ తినండి, త్రాగండి. ఆ తరువాత (వీటన్నింటినీ పరిత్యజించి) రాత్రి చీకటి పడేవరకూ ఉపవాసం ఉండండి. (బఖర : 187)
ఎవరైనా మరిచిపోయి తిన్నా లేదా త్రాగినా, వారి ఉపవాసం సరైనదే మరియు వారిపై ఎటువంటి పాపం ఉండదు. దీని గురించి దైవప్రవక్త ముహమ్మద్(స) వారు ఇలా సెలవిచ్చారు: "ఉపవాసమున్న వ్యక్తి మరిచిపోయి తిన్నా లేదా త్రాగినా, అతను తన ఉపవాసాన్ని పూర్తి చేయాలి. ఎందుకంటే అల్లాహ్ అతనికి తినిపించాడు మరియు త్రాగించాడు." (బుఖారీ 1933, ముస్లిం 1155).
2. తినడం మరియు త్రాగడం అనే అర్థంలోకి వచ్చే అంశాలు
3. స్త్రీ జననేంద్రియములోకి శీశ్నభాగము (పురుషాంగం యొక్క ముందు భాగం) ప్రవేశించడం ద్వారా జరిగే సంభోగం; దీని వల్ల వీర్య స్ఖలనం జరిగినా లేదా జరగకపోయినా ఉపవాసం భంగమవుతుంది.
4. ఉద్దేశపూర్వకంగా వీర్యస్ఖలనం చేయడం. అనగా హస్త ప్రయోగం కారణంగా ఉపవాసం భంగమైపోతుంది.
అయితే నిద్రలో జరిగే స్వప్నస్ఖలనం వల్ల ఉపవాసం భంగం కాదు. ఒక వ్యక్తి తనను తాను నియంత్రించుకోగల సామర్థ్యం కలిగి ఉంటే, అతను తన భార్యను ముద్దుపెట్టుకోవచ్చు. ఒకవేళ తనను తాను నియంత్రించుకోలేనని భావిస్తే, తన ఉపవాసానికి భంగం కలుగకుండా ఉండటానికి అలా చేయడం అతనికి అనుమతించబడదు.
ఉద్దేశపూర్వకంగా వాంతి చేయడం
అయితే ఎవరికైనా తన ప్రమేయం లేకుండా (అప్రయత్నంగా) వాంతి అయితే, వారిపై ఎటువంటి బాధ్యత ఉండదు. దీని గురించి దైవప్రవక్త ముహమ్మద్(స) వారు ఇలా సెలవిచ్చారు: "ఉపవాసమున్న వ్యక్తికి అప్రయత్నంగా వాంతి అయితే, అతను ఆ ఉపవాసాన్ని తిరిగి పాటించవలసిన (ఖదా) అవసరం లేదు. కానీ ఎవరైతే కావాలని వాంతి చేసుకుంటారో, వారు మాత్రం తప్పనిసరిగా ఆ ఉపవాసాన్ని తిరిగి పాటించాలి." (తిర్మిజి 720, అబూ దావూద్ 2380).
5.ఋతుస్రావం (నెలసరి) మరియు ప్రసవానంతర రక్తస్రావం కావడం
పగటి సమయంలో ఏ క్షణంలోనైనా ఋతుస్రావం లేదా ప్రసవానంతర రక్తస్రావం కనిపిస్తే, ఆ స్త్రీ ఉపవాసం భంగమవుతుంది. ఒకవేళ ఋతుస్రావంతో ఉన్న స్త్రీ ఫజ్ర్ సమయం తర్వాత శుద్ధి పొందినా, ఆ రోజు ఆమె పాటించే ఉపవాసం సరైనది కాదు. దీనికి సంబంధించి దైవప్రవక్త ముహమ్మద్(స) వారు ఇలా సెలవిచ్చారు: "స్త్రీ ఋతుస్రావ స్థితిలో ఉన్నప్పుడు నమాజు చేయదు మరియు ఉపవాసం ఉండదు గదా?" (బుఖారీ 1951).
అయితే ఒక మహిళకు అనారోగ్యం కారణంగా వచ్చే రక్తం, అంటే నెలలో నిర్ణీత రోజుల్లో వచ్చే సాధారణ బహిష్టు రక్తం కాకుండా మరియు ప్రసవం తర్వాత వచ్చే పురిటి రక్తం (నిఫాస్) కాకుండా వెలువడే రక్తం ఉపవాసానికి అభ్యంతరం కాదు. ఉపవాసం ఉండవచ్చు.
اختر مستوى الشرح المناسب لك
يحتوي الدرس الآن على طبقات اختيارية تساعدك على المراجعة السريعة أو التعمق دون مغادرة الدرس.
- الملخص: نظرة سريعة في نحو دقيقة.
- الأساسي: محتوى الدرس الأصلي وهو المسار المعتمد للتقدم.
- المتعمق: تفاصيل إضافية اختيارية عند توفرها.
تقدمك وإكمال الدرس يعتمدان دائما على صفحات المستوى الأساسي.
