ప్రజలలో వ్యాధులు మరియు మహమ్మారుల పట్ల భయాందోళనలు పెరుగుతున్న సమయంలో; ఒక ముస్లిము వ్యాధి నివారణకు భౌతిక కారణాలను (వైద్యం వంటివి) అవలంబించడంతో పాటు, ధార్మికపరమైన రక్షణ మార్గాలను కూడా ఆశ్రయిస్తాడు.

అల్లాహ్ ను శరణు(రక్షణ) కోరడం: సంక్షోభాలు మరియు ఆపదలు ఎదురైనప్పుడు ఒక విశ్వాసి ఆశ్రయించే మొదటి, అతి ముఖ్యమైన మరియు అత్యంత గొప్ప రక్షణ మార్గం; అల్లాహ్ ను శరణు వేడటం, ఆయనను దృఢంగా విశ్వసించడం మరియు కీడును దూరం చేయమని ఆయననే రక్షణ కోరడం. ప్రవక్త యూసుఫ్ (అ) ను అజీజ్ భార్య ప్రలోభపెట్టడానికి ప్రయత్నించినప్పుడు, వారు "నేను అల్లాహ్ శరణు కోరుతున్నాను" (యూసుఫ్: 23) అని పలికారు. అలాగే మరియమ్ (అ) ఆమె వద్దకు దైవదూత జీబ్రయీల్(అ) మానవ రూపంలో వచ్చినప్పుడు, ఆమె "నిశ్చయంగా, నేను నీ నుండి కరుణామయుడైన అల్లాహ్ శరణు కోరుతున్నాను" (మరియమ్: 18) అని పలికారు.

ఆపదలను తొలగించడానికి మరియు కష్టాల నుండి విముక్తి పొందడానికి అల్లాహ్ ముందు వినమ్రంగా వేడుకోవడం, మొరపెట్టుకోవడం మరియు ఆయన సహాయం కోసం పరితపించడం అత్యవసరం. దుఆ అనేది ఒక ముస్లిముకు రక్షణ కవచం మరియు ఆయుధం వంటిది. ఏ ఆపదైనా అల్లాహ్ సంకల్పం (ఖద్ర్) ప్రకారమే సంభవిస్తుంది కాబట్టి, దానిని కేవలం దుఆ మాత్రమే అడ్డుకోగలదు. దైవప్రవక్త ముహమ్మద్(స) వారు ఇలా సెలవిచ్చారు: "దైవానిర్ణయాన్ని (ఖదా) కేవలం దుఆ మాత్రమే మార్చగలదు" (తిర్మిది: 2139).

శారీరక మరియు మానసికమైన అన్ని రకాల వ్యాధులకు పవిత్ర ఖుర్ఆన్ ఒక దివ్యౌషధం. దాని ద్వారానే స్వస్థతను కోరాలి. అల్లాహ్ తన పవిత్ర గ్రంథంలో ఇలా సెలవిచ్చాడు: "మరియు మేము ఖుర్ఆన్ ద్వారా విశ్వాసుల కోసం స్వస్థతను (షిఫా) మరియు కారుణ్యాన్ని ప్రసాదిస్తున్నాము" (ఇస్రా: 82). అల్లాహ్ పట్ల పరిపూర్ణ విశ్వాసం, నమ్మకం మరియు నిబద్ధత కలిగి ఉన్నప్పుడు స్వస్థత పొందే అవకాశాలు మరింత పెరుగుతాయి. అల్లాహ్ ఇలా సెలవిచ్చాడు: "మీరు చెప్పండి: ఇది (ఖుర్ఆన్) విశ్వసించిన వారికి మార్గదర్శకం మరియు స్వస్థత" (ఫుస్సిలత్: 44).

ముఖ్యంగా ఫజ్ర్ నమాజు గురించి దైవప్రవక్త ముహమ్మద్(స) వారు ఇలా సెలవిచ్చారు: "ఎవరైతే ఫజ్ర్ నమాజు చేస్తారో, వారు అల్లాహ్ రక్షణ మరియు బాధ్యతలో ఉంటారు". (ముస్లిం 657).

ముఖ్యమైన రక్షణ కవచాలలో ఒకటి, అనారోగ్యగ్రస్తులను మరియు ఆపదలలో ఉన్నవారిని చూసినప్పుడు ఈ దుఆ చేయడం. హదీసులో ఇలా ఉన్నది: “ఎవరైనా ఒక అనారోగ్యగ్రస్తుడిని చూసి: "అల్ హమ్దు లిల్లాహిల్లదీ ఆఫానీ మిమ్మబ్ తలాక బిహీ, వ ఫద్దలనీ అలా కసీరిమ్ మిమ్మన్ ఖలఖ తఫ్దీలా." ‘నిన్ను దేనితోనైతే పరీక్షించాడో, దాని నుండి నాకు రక్షణ ప్రసాదించి, తన సృష్టిలో అనేకుల కంటే నన్ను ఎంతో ఉన్నతునిగా చేసిన అల్లాహ్ కే సర్వస్థుతులు. అని వేడుకుంటే, అతనికి ఆ ఆపద సంభవించదు”. (తిర్మిది 3432).

నిశ్చయంగా అల్లాహ్ స్మరణను (దిక్ర్) క్రమం తప్పకుండా పాటించడంలో ఈ లోకంలో ఎంతో మేలు, పరలోకంలో గొప్ప పుణ్యం ఉన్నాయి. ముస్లిము తప్పనిసరిగా పాటించవలసిన ముఖ్యమైన దిక్ర్‌లలో ఉదయపు మరియు సాయంత్రపు స్మరణలు (అజ్కార్) ఒకటి. వాటి వల్ల కలిగే ప్రయోజనాలు: మనశ్శాంతి, హృదయానికి ప్రశాంతత, అల్లాహ్ తోడ్పాటు లభించడం మరియు అల్లాహ్ తన ‘మలయె ఆలా’ (ఉన్నత సభలో -దైవదూతల మధ్య) ఆ దాసుడిని ప్రస్తావిస్తాడు.