Model: हालको खण्ड
पाठ दुआ र अजकारहरू
अन्य वैध खोपहरू:
रोग र महामारीको बारेमा मानिसहरूमा डर त्रासको लहर बढ्दै गर्दा उचित खोप र औषधि उपचारसँगै दुआ र अजकारले आफूलाई बलियो र सुरक्षित राख्नुपर्छ ।
सर्वप्रथम र सबैभन्दा महत्त्वपूर्ण कुरा भनेको संकट र विपत्तिको समयमा सर्वशक्तिमान अल्लाहप्रति समर्पित हुनुपर्छ र उहाँको सहारा लिनुपर्छ । जब अजीज को श्रीमतीले यूसुफ अलैहिस्सलामलाई व्यभिचारको लागि भनिन्, तब उनले भने, "मआजल्लाह (ओ पापबाट अल्लाहको शरण चाहन्छु) ।" (यूसुफ: 23) त्यसैगरी मर्यम अलैहस्सलामले जिब्रीललाई पुरुषको भेषमा देख्ने बित्तिकै भनिन्, "म तपाईंबाट परम दयालु अल्लाहको शरण चाहन्छु" (मर्यम: 18)
संकट र विपत्तिलाई दुर गर्न सर्वशक्तिमान अल्लाहप्रति समर्पित हुनुपर्छ र उहाँसँग बारम्बार बिन्ति गर्दै दुआ माग्नुपर्छ । किनभने दुआ मुस्लिमको किल्ला र ठूलो हतियार हो । जब भाग्यले गर्दा दु:ख हुन्छ तब त्यसलाई केवल दुआले टाल्न सक्छ । रसूल सल्लल्लाहु अलैहि वसल्लमले भन्नुभएको छ: "भाग्यलाई केवल दुआले परिवर्तन गर्न सक्छ ।" (तिर्मिजी: 2139)
धेरै भन्दा धेरै दुआ गर्नु, किनभने दुआ नै वाह्य तथा आन्तरिक रोगहरूका असल औषधी हुन् । अल्लाहले भन्नु भएको छः ﴿وَنُنـزلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ﴾ (الإسراء: 82). अर्थः "हामी कुर्आनमा यस्तो चिज अवतरण गरिरहेका छौं जुन आस्थावानहरूका लागि औषधी र दया हुन् ।" (इस्रा: 82) विश्वास र इमानदारी छ भने निको पार्ने कारणहरू बढ्दै जान्छ, अल्लाहले भन्नुभएको छ: ﴿ قُلْ هُوَ لِلَّذِينَ آمَنُوا هُدًى وَشِفَاءٌ ﴾ (فصلت: 44). अर्थः "भन्नुहोस्: यो आस्थावानहरूका लागि मार्गदर्शन र उपचार हो ।" (फुसिलत: 44)
विशेष गरी बिहानको सलाह, रसूल सल्लल्लाहु अलैहि वसल्लमले भन्नुभएको छ: "जसले बिहानको सलाह पढ्छ, ऊ अल्लाहको सुरक्षामा हुन्छ ।" (मुस्लिम: ६५७)
रोगी र दुःखमा परेका मानिसहरूलाई देख्दा उनको लागि दुआ गर्नु एक महत्त्वपूर्ण खोप हो । हदीस मा छ: "जसले कुनै रोगीलाई देख्छ र भन्छ: «الحمدُ لله الذي عافَانِي ممَّا ابتلاكَ به، وفَضَّلَني على كثيرٍ ممن خلقَ تفضِيلاً، لم يُصِبْهُ ذلكَ البلاءُ». (الترمذي 3432). 'अल हम्दु लिल्ला हिल्लजी आफानी मिम्मब्तला क बिहि व फज्ज लनी अला कसी रिम् मिम्मन खलक तफ्जीला' पढ्छ भने उसलाई त्यो रोग लाग्ने छैन ।" (तिर्मिजी: ३४३२)
सर्वशक्तिमान अल्लाहको प्रशंसा, (जिक्र) र सम्झनाले यस जीवनमा धेरै राम्रो हुन्छ र मृत्युपछि त झन् ठूलो इनाम छ । विशेषगरि बिहान र बेलुकाका दुआहरू, स्तुति र सम्झनाहरूमा धेरै लाभहरू छन्, जस्तैः यो पढ्दा टेन्शन हुँदैन, हृदयमा शान्ति नै शान्ति हुन्छ, सर्वशक्तिमान अल्लाहको मद्दत पाप्त हुन्छ र अल्लाहले उसको प्रशंसा फरिश्ताहरूमा गर्नुहुन्छ ।
