Hindi ka naka-login

Magrehistro ka ngayon sa Ta platform upang masubaybayan mo ang iyong pagpapabuti at makolekta ang mga puntos at makapasok sa mga kumpetisyon, pagkatapos ng pagpaparehistro makakatanggap ka ng isang elektronikong sertipiko sa mga paksang natutunan mo.

Ang aralin Ang pagpapaupa o pagpaparenta

Aalamin natin sa aralin na ito ang konsepto ng pagpapaupa at ilan sa mga hatol nito sa islamikong batas.

Ang pag-alam sa kahulugan ng pagpapaupa at ang hatol nito at ang layunin sa pagsabatas nito.
Ang pag-alam sa mga haligi ng kontrata ng pagpapaupa at mga kundisyon nito.
Ang pag-alam sa mga uri ng pamasahe at ang upa.
Pag-alam sa mga kalagayan kung saan matatapos dito ang kotrata ng pag-upa.

Ibang estudyante ay nakumpleto ang aralin na ito

Ang translation ng aralin na ito ay available sa mga sumusunod na wika:

አማርኛ العربية বাংলা English Español Français هَوُسَ हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල Kiswahili தமிழ் తెలుగు Uyƣurqə / ئۇيغۇرچە اردو Tiếng Việt 中文

Ang Konsepto ng Pagpaupa

Ito ay ang kasunduan (kontrata) sa isang trabaho, o sa isang tukoy na pinahihintulatan na pakinabang mula sa isang bagay na tukoy, o nailarawan sa isipan, isang tukoy na panahon, sa tukoy na kapalit (o bayad).

Ang hatol sa Pagpapaupa sa islamikong batas

Ang pagpapaupa ay pwede at pinahihintulutan, at napatunayan ito sa Marangal na aklat (Qur'ãn) at sa Sunnah (hadith) at sa ij'mã' (napagkasunduan ng mga pantas ng islam). at ito ay kasunduan na kailangan ipatupad ng magkabilang panig kapag ito ay nagawa na, at nagaganap ito sa kahit anong salita na nagpapahiwatig nito; gaya ng Pinaupahan ko saiyo, at iba pa na salitang nakasanayan na nagpapahiwatig sa pagpapaupa.

Ilan sa mga patunay sa pagpahintulot sa pagpapaupa

Sinabi ng Allah: {Nagsabi ang isa sa kanilang dalawa: "O Ama ko, upahan mo siya; tunay na ang pinakamabuti na sinumang upahan mo ay ang malakas na mapagkakatiwalaan."} [Al-Qasas: 26].

At isinalaysay ni 'Ãisha -kaluguran siya ng Allah- sinabi niya: "umupa ang Sugo ng Allah ﷺ at si abu bak'r ng isang lalaki mula sa Bani (angkan ng) Dail, bilang guide at magtutro ng daan, at siya ay di-muslim mula sa Quraysh, at binayaran nila ito ng kanilang mga gamit, at pinangakuan nila ito na magkita sila sa yungib ng thõr pagkatapos ng tatlong araw , at ibinigay nila sa kanya ang kanilang mga gamit sa umaga ng ikatlong araw", (Al-Bukharie 2264).

Ang layunin sa pagsasabatas ng pagpapaupa

Magbibigay ang Pagpapaupa ng maraming pakinabang sa mga tao sa kanilang pamumuhay; sapagkat sila ay nangangailangan ng mga trabaho para makapagtrabaho, bahay para tirahan, mga pwesto para sa pagtitinda at pagbili, at mga hayop mga sasakyan at mga kagamitan at iba pa para sa pagdala ng mabibigat, pagsakay at kapakinabangan. at ang karamihan sa mga tao ay walang kakayahan na bumili ng ganitong mga bagay, kaya sa pamamagitan ng pagpapahintulot sa pagpapaupa ay magkakaroon ng kaluwagan at pagpapadali sa mga tao, at bilang tulong sa kanila sa pagtugon sa mga pangangailangan nila sa pamamagitan ng maliit na halaga ay makikinabang ang magkabilang panig, kaya purihin ang Allah at magpasalamat sa kanyang mga biyaya.

Mga Uri ng pagpapaupa

Na ito ay sa isang alam o tukoy na bagay, tulad ng bahay o tindahan at iba pa.

Na ito ay sa alam o tukoy na gawain; gaya ng pag-upa ng isang tao para sa pagpatayo ng bahay, o pag-araro sa lupa at iba pa.

Mga Uri ng nirerentahan (upahan)

Ang pribadong nirirentahan.

Ang nirirentahan na pinaghahatian.

Ang pribadong nirirentahan (o upahan)

Ito ay ang inupahan siya ng isang tao ng sa loob ng tukoy na panahon upang magtrabaho sa kanya, at ito ay hindi pwede sa kanya na magtrabaho sa iba bukod sa umupa sa kanya, at kapag siya ay nagtrabaho sa iba sa loob ng panahon (kontrata) niya ay mababawasan ang kanyang bayad na katumbas ng kanyang trabaho, at kung bumalik siya at nagtrabaho ay may karapatan siya sa sahod niya, at makukuha niya ang kompletong sahod niya kung sakaling itigil ng nagrirenta sa kanya ang pagrenta (o pag-upa) bago pa matapos ang kontrata ng walang sapat na dahilan gaya ng pagkasakit o kawalan ng kakayahan, at kung gayun ay ang makukuha lang niya ay ang panahon na napagtrabahohan niya.

Ang Upahan (nirirentahan) na pinaghahatian

Siya yong naghahati sa pakikinabang sa kanya ang higit sa isang tao; tulad ng panday, tubero, taga print ng mga damit, at mananahi kung siya ay nagtatrabaho sa kanyang sariling kita, at tumatanggap siya ng trabaho sa sinumang nag-aalok nito sa kanya, kaya ito ay walang karapatan ang umupa sa kanya na pigilan siya sa pagtanggap ng trabaho sa iba, at hindi siya nararapat na bayaran maliban sa kanyang trabaho.

Mga haligi ng kontrata ng pagpapaupa

Ang dalawang nakipagkasunduan.

Ang paraan ng kasunduan (kontrata).

Ang Pakinabang.

Ang Bayad.

Ang dalawang may kasunduan

Ang tinutukoy dito ay ang magkabilang panig (ang umuupa at ang nagpapaupa) kung saan narapapat sa kanila ang ijab (pag-alok) at Qabol (pagtanggap).

Ang Paraan ng kasunduan

Ibig sabihin ay ang pag-alok at pagtanggap, at kahit anong galaw o gawain na nagpapahiwatig ng paraan ng pagkakasundo sa kontrata maging ito man ay batas o nakaugalian.

Ang pakinabang

At ito ay ang hinahangad sa pagpaparenta; maging ito man ay pakinabang ng tao, hayop, o bagay, yon ang pinagkakasunduan.

Ang bayad

Ito ay ang bayad na ibinibigay katumbas ng pakikinabang sa mga bagay o tao, at ito ay katumbas na halaga sa pagbibenta.

Mga kundisyon ng pagkawasto ng pagpapaupa

Na ang dalawang nagkasundo ay pwedeng mamahala, kung saan kinakailangan sa nakikipagkasundo na maalam na hindi mangmang, at nasa tamang kaisipan; sapagkat hindi wasto ang pagpapaupa sa bata na wala sa tamang pag-iisip o baliw, kaya kinakailangan na ang nakikipagkasundo ay may kakayahan sa pamamahala, ibig sabahin ay ang kakayahan sa pagsunod (sa kasunduan) at pagiging matuwid.

Dapat alam ang pakinabang tulad ng pagtira sa bahay, o serbisyo ng tao.

Dapat alam ang halaga ng bayad.

Na ang pakinabang ay pinahihintulutan hindi ang ipinagbabawal, sapagkat hindi pwede ang pagpapaupa sa singer (mangangawit), o gawing simbahan ang bahay, o ang pwesto ay lugar ng pagbibenta ng alak.

Dapat alam ang bagay na inuupahan sa pamamagitan ng paglalarawan o sa pagtingin, at ang kasunduan ay sa pakinabang at hindi sa mga bahagi nito, at dapat kaya may kakahayan ito na ibigay agad, at na napapaloob dito ang pinahihintulutan na pakinabang, at dapat pag-aari ng nagpaparenta, o di-kaya ay pinahihintulutan sa kanya.

Dapat ay parehong nasisiyahan ang magkabilang panig sa pag-upa,

Dapat magaganap ang pag-alok at pagtanggap sa pagitan ng dalawang panig.

Dapat alam ang panon ng pag-upa, gaya ng isang buwan, o isang taon at katulad nito.

Ang kaayusan ng bagay na inuupahan at malayo sa mga kapintasan na maaaring maabala sa pakikinabang nito.

Oras ng pagkaubliga ng pagbayad

Magiging Ubligado ang pagbayd sa pamamagitan ng kasunduan, at ubligado ang pagbigay ng bayad pagkatapos ng panahon ng pag-upa (pagrenta).

At kung nagkasundo sila sa agaran na pagbayad, o sa pagpapaliban, o hulugan ay pwede (pinahihintulutan). at karapatan ng inupahan na makuha ang kanyang bayad kapag natapos niya ang kanyang gawain (trabaho) ng maayos.

At kapag ang nirentahan o inupahan ay iyong mismong bagay dapat ibigay ang bayad nito pagkatapos pakinabangan. Isinalaysay ni abi hurairah -kaluguran siya ng Allah- na ang propeta ﷺ ay nagsabi: <> (Al-Bukharie 2227).

Mga kalagayan ng pagtatapos ng kontrata o kasunduan ng Pag-upa

Pagkasira ng mismong bagay na nirentahan; gaya ng bahay, sasakyan at katulad nito,

Pagtatapos ng panahon ng pagrenta.

Ang pagbitiw, ito ay ang paghingi ng isa sa magkabilang panig mula kabilang panig na bibitiw na o tataposin na ang kasunduan kaya tataposin niya ito,

Pagkakaroon ng panibagong kapintasan sa isang bagay na inupahan na hindi dahil sa umupa; tulad ng pagkagiba ng bahay, pagkasira ng gamit, at katulad niyon.

At hindi matatapos ang pag-upa sa pagkamatay ng isa sa magkabilang panig, ni sa pagbenta ng bagay ng nirentahan, ngunit ang sinumang inupahan para sa pribadong trabaho pagkatapos ay namatay sa gayun ay matatapos ang pag-upa, at kung kailan tapos na ang pag-upa itataas ng umupa ang kanya kamay at ibalik niya ang bagay na kanyang nirentahan sa nagpaparenta kung ito ay bagay na nadadala.

Ilan sa mga pagkakaiba sa pagitan ng pag-upa at pagbenta

Hindi maibibigay ng buo ang napagkasunduan sa pag-upa -at ito ay ang pakinabang- nang isang beses, ngunit sa pagbenta ay kailangan maibigay ng buo ng isang beses.

Hindi lahat ng pwedeng paupahan ay pwedeng ibenta, sapagkat pwedeng rentahan ang isang taong malaya dahil ang pagrenta dito ay sa trabaho, habang hindi naman ito pwedeng ibenta dahil hindi ito pag-aari o yaman.

Bagamat ang pagpaupa ay kabilang sa uri ng pagbenta; ngunit ito ay naiiba dahil ang kalagayan nito ay pagbili ng pakinabang hindi ang mismong bagay gaya sa pagbenta.

Ang pag-renta ay maaaring tapusin at maaari ring dagdagan sa hinaharap, samantalang ang pagbenta ay hindi mangyayari maliban na ito ay tapusin agad.

Matagumpay mong natapos ang aralin

Simulan ang pagsusulit

Ibahin ang wika

Magpatuloy sa pag-aaral

Recently viewed

Recent Members

Ang mga aralin