Bakayi rajistan shiga ba

Kayi rajista yanzu a cikin dandalin Taa domin ka fara karatu da kuma bibiyan ci gabanka tare da tara maki domin samun damar shiga gasa bayan yin rajistan

Darasi Ta'aziya da Iddah ga mamaci

Ta'aziya na nuna baƙin ciki a bisa mamaci da ziyaran kabari suna da hukunce-hukunce da kuma ladduban da ya kamata musulmi ya kula dasu, kuma a cikin wannan darasin zaka san wasu daga cikin su.

Sanin hukunce hukunce da ladduban Ta"aziyya da kuma ziyaran makabarta

Count Wani dalibiku kammala wannan darasin

An fassara wannan darasin da yaruka masu zuwa:

አማርኛ العربية বাংলা English Español Français हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Ta'aziya

Anaso a yiwa mutanen gidan mamaci ta'aziya kuma a gaishar da makusantanshi, da kuma ƙarfafa su akan abunda ya same su da duk wani zance mai kyau wanda a cikinshi akwai Addu'a ga mamacin da tabbatar da danginshi da kuma basu haƙuri, da tunatar dasu cewa su nemi lada a wurin Allah, kuma haƙiƙa Manzon Allah tsira da amincin Allah su tabbata a gare shi ya gayawa ƴarshi Zainab yayin da yake mata ta'aziyan rasuwan ɗanta: «Lalle abunda Allah Ya bayar naShi ne abunda ya karɓa ma naShi ne, kuma kowana abu yana da lokaci sananne a wurinshi, saboda haka kiyi haƙuri ki kuma nemi lada daga gurin Allah» (Bukhari: 1284, Muslim: 923).

Za a iya yiwa makusantan mamaci ta'aziyah kafin binne shi da kuma bayan binne shi, a kowana waje, sawa'an ya kasance a cikin masallaci ne ko a cikin Maƙabarta ko a gida, ko a wurin aiki, ko wanin haka.

Bai kamata ayi shishshigi wajen gabatar da ta'aziya ba ta yadda za a kafa rumfuna, ko gudanar da walima, da kuma tara jama'a domin ita, domin babu shakka wannan baya daga cikin sunnar Amnabi tsira da amincin Allah su tabbata a gare shi da sahabbanshi masu darajah, sa'annan kuma ba wani abu ne na murna da farin ciki ba bare ayi mishi irin waɗannan ababen.

Bakin ciki akan mamaci da yi mishi Iddah

Kuka rahama ce wacce aka saba da ita, kuma wata hanya ce na nuna damuwa da rashin da akayi, kuma haƙiƙa idanun Annabi tsira da amincin Allah su tabbata a gare shi sun zubar da hawaye yayin rasuwar ɗanshi Ibrahim (Bukhari 1303, Muslim 2315).

Musulunci ya sanya wa nuna baƙin ciki a bisa mamaci ka'idoji masu yawa:

Musulunci ya hana janyo kuka da dole da kuma ɗaga murya da kuka, da kuma aikata wasu ayyukan da suka saɓawa Shari'a kaman mari, da dukan kai, da yaga tufafi da sauransu.

Musulunci ya hana mace barin kwalliya sakamakon rasuwan wani daga cikin makusantan ta na sama da kwanaki uku saidai idan ya kasance mijinta ne.

Takaban mace: Ya wajaba akan matar da mijinta ya rasu da ta lizimci wasu ababe yayin kasancewarta cikin Iddar mutuwa.

Tsawon Lokacin iddar wanda mijinta ya rasu

Shi ne watanni huɗu da kwanaki goma, ko kuma zuwa ta haihu idan ta kasance mai juna biyu ce.

Menene ya wajaba akan mace yayin iddan rasuwan mijinta?

Ya wajaba akanta da ta nisanci dukkanin nau'in turare, da kayan ado, da tufafin kwalliya, da ƙunshi da kuma dukkanin ababen ƙawa.

Kuma ya halatta a gare ta da ta sanya tufafin da aka saba anfani dashi ko wani iri ne launi shi ko siffanshi muddin ba tufafin kwalliya da ado bane, kamar yadda ba za a hanata wanka, da gyara gashinta ba, kuma zata iya fita zuwa buƙatanta da rana ba da dare ba, da kuma tayi magana da mutanen da ba muharramanta ba ba tare da wata damuwa ba.

Ziyaran Maƙabarta: Ziyaran Maƙabarta ya kasu zuwa kashi uku:

Ziyarar da ake so

Ziyarar da take halal

Ziyarar da take haramun ne

1. Ziyaran da ake so (Mustahabbi)

Ita ce Ziyarar Maƙabarta domin tunawa da mutuwa da kabari da kuma gidan lahira, Manzon Allah tsira da amincin Allah su tabbata a gare shi yace: "Na kasance na hanaku ziyaran Maƙabarta to ku ziyarce ta" a cikin wata riwaya kuma "Domin lalle ita zata tunatar daku da lahira" (Muslim: 977, Attirmizi: 1054). Abun nufi anan shi ne ziyaran kabarin da suke garin maziyarcin, ba wai sai anyi tafiiya ko kuma sai an niƙi gari ba, wanda kuma ba ayin hakan saidai zuwa masallatai guda uku.

2. Ziyarar da ta halalta

Ita ce ziyarah domin wata manufar da take halal ba don tuna mutuwa ba, kuma a cikin ziyarar babu wani abu dake haram, kaman mutum ya ziyarci kabarin wani ɗan uwanshi ko abokinshi, amma kuma a niyyarshi babu tunawa da gidan lahira.

3. Ziyarar da ta haramta

Ita ce ziyarar da a cikin ta akwai wasu ababe na saɓon Allah; Kaman zama akan kabari, da tafiya akanshi, da duke-duke, da kururuwa, da ɗaga murya da kuka, ko kuma akwai wasu bidi'o'i a cikinta, kaman neman kusanci zuwa ma'abocin kabarin, ko neman albarkah da kabarin ko shafanshi, ko wasu ayyukan shirka; kaman neman biyan buƙata a wajen ma'abocin kabarin.

Saboda haka ziyaran musulmi zuwa Maƙabarta ya kamata ta kasance tana da manufofi daban-daban.

Na Farko: Tuna lahira, da ɗaukan izina, da wa'aztuwa da mamata.

Na biyu: Kyautata wa mamaci da roƙa mishi gafara da rahama; domin hakan zai saka shi murna da farin ciki kaman yadda rayayye zaiyi farin ciki da wanda ya ziyarce shi ya kuma ba shi kyauta.

Na Uku: Kyautatawan maziyarcin ga kanshi da bin sunnonin shari'a cikin ziyaran kabari da samun lada.

Ya kamata a yayin ziyaran kabari a lura da rashin zama ko tafiya akan kabari domin girmama mamacin da kuma karrama shi, saboda hakane Annabi tsira da amincin Allah su tabbata a gare shi ya bayyana uƙubar hakan, sai yace: "Da ɗayanku zai zauna akan garwashin wuta sai ta ƙona tufafinshi ta isa har zuwa fatarshi, yafi mishi alheri da ya zauna akan kabari" (Muslim: 971).

Addu'a a Maƙabarta

Daga cikin Addu'o'in da suka zo yayin ziyaran Maƙabarta faɗin: «Amincin Allah ya tabbata a gare ku mutanen gidan muminai, kuma mu ma da yardan Allah zamu riske ku» (Muslim: 249). ko «Amincin Allah ya tabbata akan ma'abota wannan gidajen na daga muminai da musulmai, kuma Allah Ya gafartawa waɗanda suka gabata daga cikinmu da kuma waɗanda suka saura, kuma mu ma da yardan Allah zamu riske ku» (Muslim: 974). ko (Amincin Allah ya tabbata a gare ku mutanen wannan gidan na daga muminai da musulmai, kuma mu ma da yardan Allah zamu riske ku, ina roƙa mana lafiya tare da ku gaba ɗaya» (Muslim: 975).

Haƙiƙa ka kammala wannan darasin cikin nasara

Ka fara jarrabawa

Canza yare

Ka ci gaba da karatu

Recently viewed

Recent Members

Darrusa