Bakayi rajistan shiga ba

Kayi rajista yanzu a cikin dandalin Taa domin ka fara karatu da kuma bibiyan ci gabanka tare da tara maki domin samun damar shiga gasa bayan yin rajistan

Darasi Caca

Wannan darasin yana bayani ne akan ma'anar caca yana kuma bayyana hukuncinta da cutarwanta akan mutum ɗaya da kuma Al-Ummah.

Sanin ma'anar Caca.
Sanin hukuncin Caca a shari'ar Musulunci.
Bayani akan nau'ukan caca da cutarwanta.

Count Wani dalibiku kammala wannan darasin

An fassara wannan darasin da yaruka masu zuwa:

አማርኛ العربية বাংলা English Español Français हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Menene Caca?

Caca: Ita ce duk wata wasar da wani ɓangare zai samu amfani wani ɓangare kuma zaiyi asara, ta yadda kowana ɓangare ya kasance cikin yiwuwan ya samu amfani waninshi kuma yayi asara ko kuma yayi asara waninshi ya amfana.

Hukuncin Caca:

Caca haramun ne a cikin Alkur'ani da sunnar Annabi da kuma Ijma'in Malamai.

Babu shakka duk wanda yaci caca zai samu amfani da fa'idah, Amma Allah Maɗaukaki Ya bayyana cewa lalle zunubinta da cutarwanta yana da girman gaske kuma yafi amfaninta da fa'idanta yawa. Allah Maɗaukakin Sarki Yace: (Suna tambayarka game da Giya da kuma Caca, ka gaya musu cewa lalle akwai zunubi mai yawa a cikin su da kuma amfani ga mutane, amma kuma zunubinsu yafi amfaninsu yawa) (Albakara 219).

Allah Maɗaukaki Yace: (Ya ku waɗanda suka yi ĩmãni! Abin sani kawai shi ne, giya da cãca da refu da kiban ƙuri'a, ƙazanta ne daga aikin shaiɗan, sai ku nĩsance shi, wa la'alla ku ci nasara) (Alma'idah: 90).

Cutarwan Caca akan mutum ɗaya da kuma Al-Ummah:

Sanya ƙiyayya da tsana a tsakanin mutane: Domin samun ɗayansu dukiyar ɗayan ta hanyan wasan caca hakan zai cika zuciyanshi da ƙiyayyarshi da haushinshi da kuma tsananshi, kuma zai sanya shi a koda yaushe ya kasance yana fakonshi domin illata shi, kuma wannan sananne abu ne wanda kowa ya sani, kuma hakan shi ne gaskata faɗin Allah Ta'ala: (Lalle shaiɗan yanaso ya sanya ƙiyayya da tsana a tsakaninku ta hanyar giya da caca) (Alma'idah: 91).

Toshe hanyar Allah da kuma hana Sallah, kuma wannan babban manufa ne daga cikin manufofin shaiɗan, kamar yadda yazo a ƙarshen Ayar suratul Ma'idah wacce ta gabata: (Kuma ya hanaku ambaton Allah da Sallah).

Lalata dukiya da kuma wasa da wadata: Nawa daga cikin mawadata waɗanda aka wayi gari sun zamto talakawa sakamakon caca!

Tabbata a cikin wargi da caca: Wanda yake samun nasara a cikin cacan zaka same shi a koda yaushe yana ƙara buri da kwaɗayi wajen ci gaba da yin cacan, wanda kuma baya samun nasara zai ci gaba dayi da tunanin cewa nan gaba zai iya samun nasara ya kuma maye gurbin ababen da ya rasa.

Watsewan iyali: Yawan caca zai kai dan caca ga watsar da lamarin iyalanshi, kuma wannan asara ta dukiyan zata janyo mishi damuwar kudi da na rai, da yawa caca ta kan kaiwa ga saki da kuma lalacewan iyali.

Nau'ukan Caca:

1. Duk wani nau'in wasan da wanda yayi nasara a cikinshi zai karɓi wani abu daga wurin wanda baiyi nasara ba: Kaman wasu jama'a na daga mutane suyi wasa da wata fefa, kuma kowa daga cikinsu zai sanya wata ƙima ta kuɗi, duk wanda yayi nasara daga cikinsu shi zai kwashe dukkanin waɗannan kuɗaɗen.

2. Musu a bisa samun nasarar wata ƙungiya ko wani ɗan wasa ko makamancin haka: Sai masu wannan musun su sanya wasu kuɗaɗe, kowaye daga cikinsu yana musu akan cin nasarar ƙungiyarshi ko ɗan wasanshi, idan ƙungiyanshi ta samu nasara sai ya kwashe kuɗaɗen, idan kuma ƙungiyanshi batayi nasara ba to ya rasa wannan kuɗaɗen.

3. Cacar katin gwada sa'a: Kaman mutum ya sayi wani kati da dala guda sai a bashi damar cankan wasu katuna, idan katinshi ya samu nasara to zai samu kuɗi fiye da wanda ya sayi katin da shi, abunda ya samun da yawa ne ko kaɗan ne.

4. Shga cikin gasa ta hanyar ƙiran waya ko aika saƙonni wanda yake kasancewa da biyan kuɗi mai yawa, hakanan dukkanin nau'ukan wasannin lantarki da na Kwamfuta ko ta hanyar yanar gizo waɗanda mai wasan cacan zai kasance tsakanin yiwuwan samun riba ko yin asara.

Haƙiƙa ka kammala wannan darasin cikin nasara

Ka fara jarrabawa

Canza yare

Ka ci gaba da karatu

Recently viewed

Recent Members

Darrusa