مالي معاملات دا مهال برخه
درس قمار بازي او جواري
قمار بازي يا جواري څه ته وايي؟
قماربازي يا جواري په هغه سیالیو يا لوبو کې راځې چې لوبغاړي په هغې کې دا شرط ولګوي چې ګټونکی د لوبغاړو به د هغه بل نه چې په لوبه کې ناکام شو يو څه مقدار پيسي اخلي، او هر يو د لوبغاړو نه کیدی شي چې لوبه وګټي او د هغه بل ناکام لوبغاړي نه پيسي واخلي او کيدی شي چې ناکام شي او هغه بل لوبغاړي لوبه وګټي او دده نه پیسي واخلي.
قمار بازي يا جواري حرامه ده او په هکله يې په قرآن او سنت کې ډير سخت وعيد راغلی دی.
د جوارۍ يا قمار بازۍ نقصان او ضرر د هغې د ګټو او فائدو نه ډير زيات دی، د الله پاک وينا ده: {يَسْأَلُونَكَ عَنِ الْخَمْرِ وَالْمَيْسِرِ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِن نَّفْعِهِمَا } (البقرة: 219). دوي ستانه د شرابو او جوارۍ په هکله پوښتنه کوي، ته ورته ووايه: چې په دې دواړو کې ګناه لویه ده، او د خلکو لپاره يو څه فائدې هم لري، خو ګناه يې د فائدي نه ډيره لویه ده.
الله پاک په قمار او جوارۍ باندي د معنوي پليتۍ حکم لګولی دی او خپل بندګان يې د هغې نه منع کړي دي، ځکه چې په دې سره د انسان فردي او اجتماعي ژوند ته ډير نقصان او ضرر رسيږي، د جدايي، نفرت، دښمۍ، د لمانځه او د الله پاک د ذکر د پريښودلو سبب ګرځي، د الله پاک وينا ده: {يَا أَيُّهَا الَّذِينَ آَمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ - إِنَّمَا يُرِيدُ الشَّيْطَانُ أَنْ يُوقِعَ بَيْنَكُمُ الْعَدَاوَةَ وَالْبَغْضَاءَ فِي الْخَمْرِ وَالْمَيْسِرِ وَيَصُدَّكُمْ عَنْ ذِكْرِ اللَّهِ وَعَنِ الصَّلَاةِ فَهَلْ أَنْتُمْ مُنْتَهُون} (المائدة: 90-91). ای د ایمان خاوندانو بیشکه خبره داده چې، شراب، او جواري، او بتان، او د پال غشي پليت دي، د شیطان له عمله دی، نو تاسئ ددي نه ځان وساتئ، ددي لپاره چې تاسې کامیاب شئ+ بیشکه خبره همداده چې شیطان غواړي تر څو ستاسي په مینځ کې د جوارۍ په وجه عداوت او دښمني واچوي، او تاسې د الله پاک د ذکر او لمانځه نه بند کړي، نو آيا تاسې د شرابو او جوارۍ نه منع کيدونکي يئ؟
د انسان په فردي او اجتماعي ژوند باندي د قماربازۍ او جوارۍ نقصانات او ضررونه:
۱. هر هغه لوبه چې ګټونکی په بیلونکي باندي دا شرط ولګوي چې لوبه وګټم پيسي به راکوي، لکه چې يو څه تعداد خلک دتاش په لوبه کې شريک شي او هر يو شريکوال يو څه مقدار پيسي واچوي، او چې هر يو ګټونکی شي ټولې پيسي واخلي.
د يو خاص ډلي يا بوبغاړي په کاميابۍ ګاڼه يا شرط لګول: يو څه خلک خپل مینځ کې د يو خاص ډلي يا لوبغاړي په کاميابۍ باندي څه پیسي وغيره ګاڼه کړي او دا شرط ولګوي که زما ډله يا زما لوبغاړی په لوبه کې کامياب شو، نو دا مال به زما وي او که ناکام شو نو دا مال به ستا شي.
لاټري او قسمت: لکه يو ټکټ په لس ډالر واخلي او دا احتمال وي که لاټري يې په قسمت شوه زر ډالر به تر لاسه کړي.
د قمار بازۍ او جوارۍ ټولي لوبي بريښنايي، الکتروني، يا د انټرنټ په پاڼه هغه لوبي چې لوبغاړي ته دوه احتماله وي، یا دا چې مال به ګټي او يا دا چې مال به بیلئ.
