Model: हालको खण्ड
पाठ जुवा-तास
जुवा-तास भनेको के हो?
जुवा: प्रत्येक ती खेलहरू हुन्, जसमा एक वा एकभन्दा धेरै पक्षहरूले जित्छन् र अरू बाँकीले हार्छन् । यसरी प्रत्येक सहभागी त्यहाँ पैसा वा अन्य केही हासिल गर्ने वा गुमाउने अन्तर्गत पर्दछ। त्यसैले या उसले त्यहाँबाट केही कमाउँछ या गुमाउँछ। यदि गुमाउँछ भने ऊ बाट अर्कोले कमाउँछ।
जुवा-तास खेल्नु कुर्आन, सुन्नत र पुरै मुस्लिम समुदायको दृष्टिकोणले हराम छ।
जुवा-तासबाट जित्ने व्यक्तिले त केही फाइदा हासिल गर्छ तर अल्लाहले भन्नु भएको छ यसबाट फाइदा भन्दा धेरै हानि हुन्छ। अल्लाहले भन्नु भएको छः {يَسْأَلُونَكَ عَنِ الْخَمْرِ وَالْمَيْسِرِ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِنْ نَفْعِهِمَا} [البقرة: 219]. अर्थः “यिनीहरू रक्सी र जुवाको बारेमा सोधिरहेका छन्। भनिदेऊ, “यसमा ठूलो पाप छ र मानिसहरूका लागि केही फाइदा पनि छ, तर यसका पाप फाइदा भन्दा धेरै छ।” (सूरह अल्-बकरह: २/२१९)
अर्को ठाउँमा अल्लाहले भन्नु भएको छः {يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ} [المائدة: 90]. अर्थः “हे आस्थावानहरू हो ! मदिरा सेवन गर्नु, जुवा खेल्नु, अल्लाह बाहेकको नाममा बलि दिनु तथा पासा खेल्नु अपवित्र र शैतानी कार्यहरू हुन्। त्यसैले यी कुराहरूबाट टाढा बस, यसरी तिमीहरू सफल हुनेछौ।" (सूरतुल्-माइदा : ५/९०)
जुवा-तासबाट व्यक्ति र समाजमा पर्ने प्रभावहरू:
१- हरेक किसिमको खेलकूद र प्रतिस्पर्धा जसमा विजेता पक्षले पराजित पक्षबाट केही लिन्छ, जस्तै मानिसहरूको समूह (तास वा बालुट) कुनै खेल खेल्छन् अनि प्रत्येकले निश्चित रकम त्यहाँ जम्मा गर्छन् र जसले जित्छ उसले सबै रकम लैजान्छ।
२- टोली वा खेलाडीको जितमा बाजी लगाउने र यस्तै अन्य: बाजी लगाउनेहरूले पैसा राख्छन् र प्रत्येकले आफ्नो टोली वा खेलाडीको जितमा बाजी लगाउँछन्। यदि उसको टोलीले जित्यो भने उसले पैसा जित्छ र यदि उसको टोली हार्यो भने उसले पैसा गुमाउँछ। ।
३- लटरी र भाग्यशाली टिकटहरू: जस्तै कसैले केही डलर वा रुपैयाँमा टिकट किन्छ अनि कार्डहरूमा गोला-प्रथाद्वारा कुनै एउटा टिकट निकालिन्छ। यदि उसको टिकटको नम्बर पर्यो भने रकम पाउँछ, परेन भने पाउँदैन । पाउने रकम टिकटको मूल्य भन्दा बढी पनि हुनसक्छ, कम पनि हुनसक्छ।
४- टेलिफोन कलहरू वा मोबाइल सन्देशहरू आदि मार्फत प्रतिस्पर्धाहरूमा सहभागी हुनु। जसमा तिनीहरूको सामान्य लागत भन्दा बढी हुन्छ। साथै सबै मोटर, इलेक्ट्रिक र इलेक्ट्रोनिक खेलहरू, वा इन्टरनेट साइटहरू मार्फत खेलिने खेलहरू, जसमा खेलाडीसँग पैसा जित्न वा हार्ने दुईवटा सम्भावनाहरू हुन्छन्।
