ផ្នែកបច្ចុប្បន្ន model:
មេរៀន ល្បែងស៊ីសង
ព័ត៌មានរបស់មេរៀន
គោលបំណង
count: ចំនួនសិស្សផ្សេងទៀតដែលបានបញ្ចប់មេរៀននេះ។
តើដូចម្តេចដែលហៅថាល្បែងស៊ីសង?
គឺត្រូវបានហាមជាឃាត់ដាច់ខាត ដោយគម្ពីរគួរអាន និងស៊ុណ្ណះ ហើយនិងការមូលមតិគ្នារបស់អ្នកប្រាជ្ញអ៊ីស្លាម។
អល់ឡោះមានព្រះបន្ទូលថា៖ “ឱបណ្ដាអ្នកមានជំនឿ! ពិតប្រាកដណាស់សុរា ល្បែងស៊ីសង គោរពបូជារូបបដិមា និងជឿព្រួញទស្សន៍ទាយវាសនា គឺជាអំពើដ៏កខ្វក់នៃទង្វើរបស់ស្ហៃតន។ ដូចេ្នះ ចូរពួកអ្នកចៀសវាងឱ្យឆ្ងាយពីវា សង្ឃឹមថាពួកអ្នកនឹងទទួលបានជោគជ័យ’’។ (ជំពូក អាល់ម៉ាអ៊ីហ្ទះ ៖ ៩០)
1. រាល់ល្បែងដែលមានអ្នកឈ្នះ និងអ្នកចាញ់។ ឧទាហរណ៍ៈ ការលេងបៀ ដោយម្នាក់ៗត្រូវដាក់លុយ ហើយអ្នកឈ្នះនឹងយកលុយទាំងអស់។
2. ការភ្នាល់លើការឈ្នះរបស់ក្រុមណាមួយ ឬអ្នកលេងណាម្នាក់។ ប្រសិនបើក្រុមដែលគេភ្នាល់ឈ្នះ នោះគេនឹងឈ្នះលុយ។ ហើយប្រសិនបើក្រុមគេចាញ់ នោះគេនឹងបាត់បង់ប្រាក់ ឫចាញ់លុយ។
3. សន្លឹកឆ្នោត និងសន្លឹកផ្សងសំណាង។ ឧទាហរណ៍ៈ មនុស្សម្នាក់ទិញសន្លឹកសន្លឹកឆ្នោតក្នុងតម្លៃមួយដុល្លារ ហើយក្នុងសន្លឹកនោះអាចមានឱកាសឈ្នះរង្វាន់ច្រើនជាងតម្លៃសន្លឹកនោះ ទោះជាវាមានឱកាសឈ្នះច្រើន ឬតិចក៏ដោយ។
4. ការចូលរួមក្នុងការប្រកួតតាមទូរស័ព្ទ ឬសារ SMS ដែលមានតម្លៃថ្លៃជាងធម្មតា ក៏ដូចជាហ្គេមទូរស័ព្ទ និងអេឡិចត្រូនិច ឬតាមរយៈគេហទំព័រ ដែលអ្នកលេងត្រូវប្រឈមនឹងលទ្ធផលពីរគឺ រកបាន(ចំនេញ) ឬបាត់បង់ប្រាក់។
ទោះបីអ្នកឈ្នះល្បែងនឹងទទួលបាននូវផលប្រយោជន៍ពិតមែន តែអល់ឡោះបានបញ្ជាក់ប្រាប់ថា៖ បាបកម្ម និងគ្រោះថ្នាក់របស់វា គឺធំលើសពីផលប្រយោជន៍របស់វា។ ដូចដែលអល់ឡោះមានព្រះបន្ទូលថា៖ “ពួកគេនឹងសួរអ្នក(មូហាំម៉ាត់)អំពីសុរា និងល្បែងស៊ីសង។ ចូរអ្នកឆ្លើយថា៖ វាទាំងពីរនេះគឺមានបាបកម្មធំ តែក៏មានផលប្រយោជន៍ខ្លះដល់មនុស្សលោកដែរ។ ប៉ុន្ដែបាបកម្មរបស់វាទាំងពីរ គឺធ្ងន់ធ្ងរជាងផលប្រយោជន៍របស់វាទាំងពីរទៅទៀត’’។ (ជំពូក អាល់ហ្ពាក៏រ៉ោះ ៖ ១២៩)
