இஸ்லாத்திற்கு முன்னர் அரபிகளும், பிற சமூகத்தினரும் கட்டுக்கதைகள், மூடநம்பிக்கைகள், கற்பனைகளின் பிணைக் கைதிகளாகவே இருந்தனர். பூமியின் நாலாத்திசைகளிலும் இவை பரவியிருந்தது, எந்தச் சமூகமும் தப்பவில்லை. எந்தளவுக்கெனில் அல்குர்ஆனைக் கூட ஆரம்பத்தில் சூனியம், கட்டுக்கதைகளின் ஒரு பகுதியாகவே அரபுகள் கருதினர்.

இஸ்லாம் தனது ஒளியைக் கொண்டுவந்து நேர்வழி காட்டிய போது ஆத்மா மற்றும் அறிவின் தூய்மைக்கு உத்தரவாதமளிக்கும் சட்டங்கள் மற்றும் விதிகள் மூலம் கட்டுக்கதைகள், மூடநம்பிக்கைகள், கற்பனைகளின் பிடியிலிருந்து பகுத்தறிவை விடுவித்தது. பிற சக்திகளின்றி அல்லாஹ்விடம் மாத்திரம் சார்ந்திருக்க வழி காட்டியது. அவற்றில் சில :

சூனியம், கண்கட்டிவித்தைகளைக் களைதல்

அதே போன்றுதான் ஒரு முஸ்லிம் சூனியக்காரர்கள், சாஸ்திரக்காரர்களிடம் செல்வதையும், அவர்களிடம் ஆரோக்கியம், சிகிச்சை, பிரச்சினைகளுக்கான தீர்வுகளை வேண்டுவதையும் இஸ்லாம் தடை செய்துள்ளதுடன், அவ்வாறு செய்வோர் முஹம்மத் (ஸல்) அவர்களுக்கு அருளப்பட்டவற்றை மறுத்தவர் எனவும் வர்ணித்துள்ளது. ஏனெனில் நலவு, கெடுதி அனைத்தும் அல்லாஹ்விடமே உள்ளது, அவன் மாத்திரமே மறைவானவற்றை அறிகின்றான். நபியவர்கள் கூறினார்கள் : "யார் ஒரு ஜோசியரிடம் சென்று, அவன் கூறுவதை உண்மைப்படுத்துகின்றானோ அவன் முஹம்மத் (ஸல்) அவர்களுக்கு அருளப்பட்டதை மறுத்தவனாவான்". (ஆதாரம் : ஹாகிம் 15).

நலவு, கெடுதி அல்லாஹ்விடமே உள்ளது.

அந்தப் படைப்பினங்களின் பிரமாண்டத்தையும், அவற்றின் நுட்பமான ஆக்கத்திறனயைும் ஆராய்ந்தவர் அனைத்து வணக்கங்களும் செலுத்தப்பட வேண்டிய திட்டமிடும் வல்லமை கொண்ட ஓரே இரட்சகனே அவற்றைப் படைத்துள்ளான் என்பதை அறிந்து கொள்வார். அவன்தான் படைப்பாளன். அவனல்லாதோர் படைப்பினங்களே. அல்லாஹ் கூறுகின்றான் : இரவு, பகல், சூரியன், சந்திரன் ஆகியவை அவனது சான்றுகளில் உள்ளவை. சூரியனுக்கோ, சந்திரனுக்கோ ஸஜ்தாச் செய்யாதீர்கள்! அவனையே நீங்கள் வணங்குவோராக இருந்தால் அவற்றைப் படைத்த அல்லாஹ்வுக்கே ஸஜ்தாச் செய்யுங்கள்! (புஃஸ்ஸிலத் : 41).

மறைவனவை, எதிர்காலம் ஆகியவற்றை அல்லாஹ் மாத்திரமே அறிகின்றான்.

ஏன், படைப்பினங்களில் சிறந்தவர் இறைத்தூதர் ஸல் அவர்கள் கூட தனக்கென எவ்வித நலவோ, கெடுதியோ செய்ய அதிகாரம் பெற்றிருக்கவில்லை. மறைவானவற்றையோ, எதிர்காலம் பற்றியோ அன்னார் அறியமாட்டார். அவ்வாறிருக்க அன்னாரை விடத் தரத்தில் குறைந்தவர்கள் எவ்வாறு அறிய முடியும்? அல்லாஹ் கூறுகின்றான் : "அல்லாஹ் நாடினால் தவிர எனக்கே நன்மை செய்யவோ, தீமை செய்யவோ நான் அதிகாரம் பெற்றிருக்கவில்லை. நான் மறைவானதை அறிந்து கொள்பவனாக இருந்திருந்தால் நன்மைகளை அதிகம் அடைந்திருப்பேன். எந்தத் தீங்கும் எனக்கு ஏற்பட்டிருக்காது. நம்பிக்கை கொள்ளும் சமுதாயத்திற்கு நான் எச்சரிப்பவனாகவும், நற்செய்தி கூறுபவனாகவுமே இருக்கிறேன்'' என்று (முஹம்மதே!) கூறுவீராக! (அஃராப் : 188)

சகுனம், துற்குறி பார்ப்பதைத் தடுத்துள்ளது

மறுபுறம் நற்குறி, நல்ல எதிர்பார்ப்பு, அல்லாஹ்வின் மீது நல்லெண்ணம் வைத்தல், அது தொடர்பான நல்ல வார்த்தைகளைத் தேர்ந்தெடுத்து பயன்படுத்துவதை இஸ்லாம் ஏவியுள்ளது. நபியவர்கள் நல்ல எதிர்ப்பார்ப்பைக் காட்டும் நல்ல வார்த்தைகளை நேசிக்கக் கூடியவர்களாக இருந்தார்கள். (புஹாரி 5776, முஸ்லிம் 2224).

உமது பாடத்தை வெற்றிகரமாக பூர்த்தி செய்துள்ளீர்