Bakayi rajistan shiga ba

Kayi rajista yanzu a cikin dandalin Taa domin ka fara karatu da kuma bibiyan ci gabanka tare da tara maki domin samun damar shiga gasa bayan yin rajistan

Darasi Gado a cikin Musulunci

A cikin wannan darasin zamu san wasu daga cikin al'amuran gado a Musulunci.

Gabatarwa akan ababen da suka bambance hukunce-hukuncen gado a Musulunci.
Sanin rukunnan gado da sharruɗanshi.
Sanin waɗanda aka taru akan za suyi gado na daga maza da mata.

Count Wani dalibiku kammala wannan darasin

An fassara wannan darasin da yaruka masu zuwa:

አማርኛ العربية বাংলা English Español Français हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Gado tsari ne na ɗan Adam na duniya baki ɗaya, al'ummomi da dama sun yarda da tsarin gado a zamanin da da na yanzu, domin ya dace da yanayin halittan ɗan Adam wajen so da kuma ƙoƙarin mallakar abu, kuma yana magance matsalar amfani da kuɗin mamaci bayan rasuwarsa.

Hukunce-hukuncen gado a cikin shari'ar Musulunci ta bambanta ta hanya bayani filla filla akan ababe da yawa, waɗanda suke da alaƙa da yanayin wanda za a gada, da waɗanda za suci gado, da kuma kason kowanne daga cikinsu, cikin wani cikakken tsari abun mamaki. kuma daga cikin amfanin bayani a cikin tsarin gado a Musulunci daƙile sabbuban tarzoma tsakanin Makusantan mamaci; saboda idan magada suka san cewa lalle an raba musu gado ne da umarnin Allah Mai girma da ɗaukaka, to rayukansu zasu samu natsuwa, kuma zasu yarda da kason Allah Maɗaukaki, kuma daga cikin amfaninshi shi ne kiyaye haƙƙin dukkanin magadan ta yadda ba a bar abun a hannun wasu su rabashi yadda suke so da ƙoƙarinsu ba domin kada su baiwa wanda suke so su hana wanda suke so wanda hakan kuma zai iya haifar da saɓani da gaba tsakanin magada.

Rukunnan Gado

Wanda za a gafa

Wanda zai ci gado

Abunda za a gada

Wanda za a gada

Shi ne mamaci -ko wanda yake cikin hukuncin mamata- wanda ya bar abunda za a gada.

Wanda zai ci gado (Magaji)

Shi ne rayayye bayan wanda za a gada -ko kuma wanda yake cikin hukuncin rayayyu- wanda ya cancanci ya gaji wanda za a gada da wani sababi daga cikin sabbuban gado.

Abunda za a gada

Shi ne abunda wanda za a gada ya bari na daga dukiya ko wani abunda za a gada.

Sharruɗan gado

Tabbatar da mutuwar wanda za a gadan ko kuma riskanshi hukuncin mamata; kaman wanda ya ɓata idan alkali yayi hukunci da mutuwarsa, ko ta hanyar kaddarawa; kaman jaririn da ya rabu da uwarshi ta hanyar laifin da ya dace a biya tara, wanda hakan shi ne tabbacin da ake bukata na laifin da aka yiwa jaririn.

Tabbatar da rayuwar wanda zaiyi gado yayin rasuwar wanda za a gadan, ko kuma saka shi a hukuncin rayayyu ta hanyar ƙaddarawa, kaman cikin da ya rabu da uwarshi a raye tabbatacciyar rayuwa na karamin lokacin kuma rayuwarshi ta tabbata yayin mutuwar wanda za a gada.

Sanin sababin gado, na daga kusanci ko Aure, ko jiɓanta.

Tsara yadda ake raba gado

Shirya mamaci da kuma binne shi

Biyan bashin dake kanshi.

Zantar da wasiyyarshi

Raba gadon da ya bari a bisa magadanshi.

Ababe na musamman dangane da hukunce-hukuncen gado a shari'ar Musulunci.

Lalle shi daga Allah Mai girma da ɗaukaka ne, Wanda Ya san halittunShi da abin da zai gyara su da kuma abin da ya dace da su (Ashe wanda yayi halitta ba zai iya saninta ba, alhali shi ne Mai tausasawa Mai labartawa)(Almulk: 14).

Cewa lalle ita shari'ar bata baiwa wanda za a gada damar raba gadonshi kaman yadda yake so ba; domin son ranshi zai iya galaba akanshi, ko son zuciya ta ja shi ta yadda zai hana wasu waɗanda suka cancanta ko kuma ya fifita wasu akan wasu ba tare da wani dalili ba.

Raba dukiya da kuma rashin barinta a hannun wasu kebantattun mutane, ta hanyar shigar da mutane da yawa cikin gadon.

Tabbatar da jituwa da haɗin kai tsakanin iyali ta hanyar raba gado wa da yawa daga cikinsu cikin tsari na adalci.

Yin la'akari da ɓangaren buƙatun magada wajen fifita tsakaninsu a cikin rabonsu na gado; ta yadda za mu samu rabon ƴa mace rabin rabon ɗan uwanta, saboda ɗan uwanta yana da buƙatan dukiya, domin nauyin ciyar da gidanshi akanshi yake, alhali yar uwanshi kuma wani ne yake ɗauke da nauyin buƙatunta.

La'akari da yanayin kusanci wajen fifita wasu daga cikin magadan akan wasu, domin sadar da amfani tsakanin wanda za a gada da wanda zaiyi gado, sai aka gabatar da uba akan kaka na miji, aka kuma gabatar da uwa akan kaka ta mace.

Gado a tsarin shari'ar Musulunci abu ne wanda yake wajibi babu makawa daga gare shi; Saboda haka ne wanda za a gada ba shi da ikon hana wani daga cikin magadanshi gadon shi.

Magada daga cikin maza

Magada daga cikin maza waɗanda akayi ittifaƙi akan gadonsu su goma ne, kuma su ne a taƙaice kaman haka: Ɗa, Jika (Ɗan Ɗa) ko da yayi ƙasa, da Baba, da kaka ko da yayi sama, da Ɗan uwa, da Ɗan Ɗan uwa, da Baffa, da Ɗan Baffa, da Miji, da wanda aka ƴanta.

Magada daga cikin mata

Magada daga cikin mata waɗanda akayi ittifaƙi akan gadonsu su bakwai ne, kuma su ne a taƙaice kaman haka: Ƴa, Yar Ɗa (Jika) koda yayi ƙasa, Mama, Kaka ko da yayi sama, Ƴar uwa, Mata, wacce aka ƴanta ta.

Haƙiƙa ka kammala wannan darasin cikin nasara

Ka fara jarrabawa

Canza yare

Ka ci gaba da karatu

Recently viewed

Recent Members

Darrusa

Darrusa

Bakayi rajistan shiga ba

Ɓangaren yanzu model

Darasi Gado a cikin Musulunci

Rukunnan Gado

Wanda za a gada

Wanda zai ci gado (Magaji)

Abunda za a gada

Sharruɗan gado

Tsara yadda ake raba gado

Ababe na musamman dangane da hukunce-hukuncen gado a shari'ar Musulunci.

Magada daga cikin maza

Magada daga cikin mata

Haƙiƙa ka kammala wannan darasin cikin nasara