ప్రస్తుత విభాగం : model
పాఠం ప్రయాణాలలో విశ్వాసానికి సంబందించిన సందర్భాలు
ప్రయాణాలు అనగా అవి సాధారణ ప్రయాణం అయినా, పర్యటన అయినా, ప్రకృతి అందాలను ఆస్వాదించడానికి చేసే యాత్ర అయినా అన్నీ ఒకే కోవకు చెందుతాయి
ఖురానులో ప్రయాణము అనే పదం ప్రస్తావించబడినది : ఖురైషులను (ప్రయాణాలకు) అలవాటు చేసిన కారణంగా వారు శీతాకాలపు మరియు వేసవి కాలపు ప్రయాణాలు చేయగలుగుతున్నారు.(ఖురైష్ : 1) ఇందులో "ఇలాఫ్" అనే పదాన్ని ప్రస్తావించబడినది, అంటే ఖురయిష్ లు శీతాకాలంలో యమన్‌ దేశానికి మరియు వేసవిలో షాం (సిరియా మరియు దాని పక్క దేశాలు) దేశానికి వ్యాపారం కోసం ప్రయాణాలు చేసేవారు.
ఒక విశ్వాసి యొక్క జీవితం ఆన్ని పరిస్థితులలో అల్లాహ్ మరియు ఆయన ధర్మ నియమాలతో ముడిపడి ఉంటుంది, ప్రయాణాలు అనేవి ధార్మిక నియమాలతో కూడుకుని ఉన్నాయి, ఎవరైతే ఈ నియమాల పట్ల దీక్షతో అమలు కలిగి ఉంటారో అటువంటి వారి కోసం వీటిలో ఇహపరలోకాల ప్రయోజనాలు ఇమిడి ఉన్నాయి.
ఆరాధనా నిమిత్తం ఒక దాసుడు హజ్ మరియు ఉమ్రా కోసం లేదా జ్ఞానార్జన కోసం ప్రయాణం చేయడం ద్వారా ఒక దాసుడు తన ప్రయాణాన్ని కూడా ఆరాధనగా మలచుకోవచ్చును, దీని ద్వారా ఏవైనా బంధాలను పటిష్టం చేసే సంకల్పం ఉండడం లేదా తనను మరియు కుటుంబాన్ని సంతోషపరిచే ఉద్దేశం కలిగి ఉండడం లేదా అందులో అల్లాహ్ యొక్క విధేయతకు చెందిన అంశం కలిగి ఉండడం లేదా ఏదైనా నిషిద్దమైన దానిని దూరం చేయడం వంటి సనకల్పం ఉండడం వంటిది ఉన్నప్పుడు ప్రయాణం కూడా ఆరాధనగా పరిగణింపబడుతుంది.
(ఇంకా) ఇలా అను: "నిశ్చయంగా నా నమాజ్ నా బలి (ఖుర్బానీ), నా జీవితం మరియు నా మరణం, సర్వ లోకాలకు ప్రభువైన అల్లాహ్ కొరకే! (అల్ అన్ ఆమ్)
విశ్వమంతా అల్లాహ్ యొక్క గొప్పతనం, అతని కరుణా మరియు అతని జ్ఞానముతో నిండి ఉంది : తన దివ్య వచనంలో అల్లాహ్ ఇలా సెలవిచ్చాడు : నిశ్చయంగా, భూమ్యాకాశాల సృష్టిలో మరియు రేయింబవళ్ళ అనుక్రమం (ఒకదాని తరువాత ఒకటి రావడం మరియు వాటి హెచ్చుతగ్గుల)లో, బుద్ధిమంతుల కొరకు ఎన్నో సూచనలు (ఆయాత్) ఉన్నాయి; [ ఆలె ఇమ్రాన్: 190]. అందువలన ఈ సృష్టిని కేవలం ఆస్వాదించే కోణంతోనే కాకుండా దాని గురించి పరిశీలనాత్మకంగా, జ్ఞానాపూర్వకంగా చూడాలని ఆదేశించాడు. అల్లాహ్ ఇలా సెలవిస్తున్నాడు : ఏమీ? వారు భూమ్యాకాశాలపై గల (అల్లాహ్) ఆధిపత్యాన్ని మరియు అల్లాహ్ సృష్టించిన ప్రతివస్తువును చూడలేదా(అల్-అరాఫ్: 185)
.jpg)
ఏకాంతం మనల్ని కొన్నిసార్లు ఆత్మపరిశీలన చేసుకోవడానికి మరియు మన స్వీయఅవగాహనకు వీలు కల్పిస్తుంది, ముఖ్యంగా మనం మనతో మరియు అల్లాహ్ తో మాత్రమే ఉన్నప్పుడు మనం చేసిన పనుల గురించి ఆలోచించడానికి అవకాశం కల్పిస్తుంది.
భూమార్గం లేదా ఇతర ఏ మార్గంగానైనా సరే ప్రాయాణించి తన గమ్య స్థానానికి చేరుకున్న వ్యక్తి ఈ దుఆ చదవాలి :
ఖౌలా బింత్ హకీం (ర) వారి ఉల్లేఖనం : దైవప్రవక్త(స) వారు ఇలా బోధించడాన్ని నేను విన్నారు : ఒక ప్రాంతములో బస చేయడానికి దిగిన వ్యక్తి ఈ దుఆ చదివితే ఆ వ్యక్తి మరలా ఆ ప్రాంతము నుండి ప్రయాణము కట్టే వరకూ అతనిని ఏదీ హాని కలిగించజాలదు. దుఆ : “అఊదు బికలిమాతిల్లాహి త్తామ్మతి మిన్ షర్రి మా ఖలఖ్”. అర్ధం : అల్లాహ్ యొక్క సమస్త వచనాల ద్వారా అల్లాహ్ సృష్టించిన ప్రతి కీడు నుండి నేను శరణు(ఆశ్రయం) కోరుకుంటున్నాను. (ముస్లిం 2708).
