kutaan ammaa model
Barnoota mataduree hubannoo iimaanaa karaa deemsaan wajji.
deemsa yeroo jennu deemsa bashannanaa kan namni bakka uumaa bashannanaa deemu jechuu.
jechi rihlaa (karaa deemsa) jettu tuni qur'aana keessatti dhuftee jirti. jecha Rabbii keessatti "Qurayshota barsiisuuf, Fe’annaa gannaafi bonaa isaan barsiisuuf jecha (warra arbaa balleesse) -- qureysh 1-2. deemsa gannaa jechuun deemsa daldalaaf ganna keessa qureyshiin deemtu jechuudha. yeroo kana keessa gara yaman deemuu turan. deemsa bonaa ammoo gara shaam deemaa turan.
jiruun muslimaa haala hunda keessatti Rabbiin walitti hidhamtuudha, karaa deemsi seera shari'aa kan Rabbiin karaa nuufgodheen walqabatti. bu'aa guddaa duniyaafii akhiraattu keessa jira. kuni yoo namni isii hojirra tolchee oolecheedha.
muslimtichi amna isaa ibaadaa godhuu dandaya. akka ibaadaaf deemuuti akka hajjii, umraa, ilmii diin barachuuf... niyyaa tolee rahima maxxansuuf faa deemuu, warra isaa gammachiisuuf, ufiifii maatii isaa boqachiisuu karaa halaal kan ibaadarratti nama gargaaruun, yooka isaan waan haraamirraa fagaachuuf.
"jedhi salaanni tiyya, qaliinsi tiyya, jiruufii duuti tiyya Rabbiifi gooftaa aalamaa". an'aam 162.
uumamni kuni aayata Rabbiitiin guutamaadha, tan guddina rahmataafii ogummaa isaatti nama qajeelchitu. Rabbiin akkana jedhe "uumuu samiileefii dachii keessatti waldabaruu halkaniifii guyyaa keessatti mallattootu jira warra qalbii qabaniif". aala imraan 190. kanaaf jecha Rabbiin uumaa tana ittiin gorfamuudhaaf lallaalutti ajaje, qanani'uu qofaaf osoo hintahinitti. Rabbiin akkana jedhe "sila isaan hinlallaallee mootummaa samiifii dachii keessatti, wantootarraa waan Rabbiin uume keessattis". airaaf 185
.jpg)
akkuma kophaa bahuun yeroo garii carraa boruuf maal dabarfadhe jedhanii ufqorachuu namaaf taatutti. kan Rabbi malee toohataan isarra hinjirre.
namni bakka qubannoota isaa gaye dirree keessatti tahuu kanbiroo tahuu du'aa'ii itti aanu kana qara'a.
khowlaa binti hakiim nabiin akkana jedhan jette "namni qubannoota tokko qubatee eegasii jedhe (auuzu bikalimaatillaahittaammaati minsharri maa khalaqa) hanga qubannoota isaa sanirraa deemutti homaa isa hinmiidhan". muslim 2708.
