Rajista Shiga

Bakayi rajistan shiga ba

Kayi rajista yanzu a cikin dandalin Taa domin ka fara karatu da kuma bibiyan ci gabanka tare da tara maki domin samun damar shiga gasa bayan yin rajistan

Shiga

Rajista

Ɓangaren yanzu model

Darasi Aro

Ababen da darasin ya ƙunsa

A cikin wannan darasin zamu san abunda ake nufi da aro da kuma wasu daga cikin hukunce-hukuncen shi.

manufofi

Sanin abunda ake nufi da aro.
Sanin hukunce-hukuncen da suke da alaƙa da aro.
Sanin bambancin dake tsakanin aro da ajiya.

Count Wani dalibiku kammala wannan darasin

An fassara wannan darasin da yaruka masu zuwa:

አማርኛ العربية বাংলা English Español Français हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Ma'anan aro

Shi ne a bawa mutum izinin amfana da wani abu ba tare da ya biya komai ba, kuma an saka mishi wannan sunan ne domin kuɓutanshi daga biya.

Hukuncin aro

Aro yana daga cikin taimakekkeniya akan tsoron Allah da yi miShi biyayya, kuma an shar'anta shi a cikin littafin Allah da sunnar AnnabinShi da ijma'i da kuma ƙiyasi. aro yana daga cikin ababen da suke halal amma kuma ba dole bane, saboda haka ya halatta ga dukkanin ɓangarori biyu da su fasa shi. kuma aro kusanci ne zuwa ga Allah; saboda abunda yake cikinshi na Kyautatawa, da biyan buƙatu, da jawo ƙauna da soyayya. kuma yana tabbata ne da wadatuwar mamallakinshi daga gare shi da kuma buƙatan wanda zai karɓe shi, kuma yana ƙulluwa da kowana irin lafazi ko zance waɗanda suke nuni zuwa gare shi.

Hikimar shar'anta aro

Mutum zai iya buƙatuwa zuwa amfani da wani abu cikin ababe, amma kuma ba zai iya mallakan abun ba, kuma bashi da kudɗin da zai biya hayanshi, kuma ta wata fuska, lalle wasu mutane ba lalle su iya kyautar da wannan abun ko suyi sadaka da shi ga wanda yake buƙatanshi ba, koda ace kuwa mutumin ya yarda da cewa zaiyi amfani da shi na wani lokaci sa'annan ya dawar mishi da shi ne; Kuma aro anan shi ne abunda zai iya kawowa dukkanin ɓangarori biyun mafita.

Daga cikin rahamar Allah Mai girma da ɗaukaka ne Ya halalta aro; domin biyan buƙatan wanda za a lamuncewa, tare da samun ladan wanda ya ba da aron, domin ya amfanar da ɗan uwanshi ne ba tare da ya rasa abunshi ba.

Allah Maɗaukakin Sarki Yace: (Kuma kuyi taimakekkeniya akan bin Allah da taƙawa, amma kuma kada kuyi taimakekkeniya akan zunubi da zalumci) (Alma'idah: 2).

An karɓo daga Anas Ɗan Malik Allah Ya kara mishi yarda yace: Akwak wani lokacinda ya kasance akwai tsoro a cikin Madina, sai Annabi tsira da amincin Allah su tabbata a gare shi ya ari doki daga Abu Ɗaljata ana cewa dashi: Almandubu, sai ya haushi, a yayin da ya dawo sai yace: «Babu wani abunda muka gani, idan ma akwai wani abunda muka samu to shi ne kogi» (Bukhari: 2627, Muslim: 2307).

Sharadin ingancin aro

Ya kasance za ayi amfani da wannan abun tare da raguwarshi.

Ya kasance amfanin na halal ne, domin baya halatta a ari mota domin jigilan giya alal misali.

Wanda zai bada aron ya kasance yanada ikon bayarwa, kuma shi ne mamallakin abun ko kuma an bashi izini a cikinshi.

Wanda zai karɓi aron ya kasance zai iya amfani da abun yadda ya kamata.

Rukunnan Aro

Mai bada aro: Kuma shi ne mai abun.

Mai karɓan aron: Kuma shi ne wanda zaiyi amfani da abun.

Abun aron: Kuma shi ne abunda za a ara na daga Dabba, ko Na'ura ko wanin haka.

Siga: Kuma shi ne duk wani abunda yake nuni zuwa ga aro na daga lafazi ko nuni ko aiki.

Ya wajaba akan wanda aka baiwa aro da ya kiyaye aron, ya kuma lura da shi, ya kuma yi amfani da shi yadda ya kamata, ya kuma komar da shi zuwa ma'abocinshi ba tare da wani aibi ba. Idan abun aron ya salwanta a hannun wanda aka arawa ba tare da yayi amfani da shi ba, to zai biya sawa'an yayi sakaci da shi ne ko baiyi ba, amma kuma idan abun ya samu damuwa ta hanyan amfanin da aka mishi izini da shi ne, to babu biya, sai dai idan wanda aka arawan ya baiwa wani ko yayi sakaci da shi.

Hukuncin mayar da aro

Ya wajaba akan wanda ya ari wani abu da ya komar da shi yayin da ya gama biyan buƙatarshi, kuma ya mayar da shi ba tare da wani aibi ba kaman yadda ya are shi, kuma baya halatta a gare shi da ya barshi a wurinshi ko yayi sakaci da shi, idan kuma har ya aikata hakan to ya zamto mai ha'inci mai laifi.

Wanda ya bayar da aro yanada damar karɓo abunshi a duk lokacin da yaga dama muddin hakan ba zai cutar da wanda ya ara ba, idan kuma ya kasance akwai cutarwa ga wanda ya ara a cikin karɓowan, sai ya jinkirta karɓan har sai wannan cutarwar ta gushe; kaman wanda ya ari fili yayi shuki akanshi, to baya halatta ga wanda ya ara mishi da ya karɓi filin har sai ya girbe shukan shi.

Allah Madaukakin Sarki Yace:(Lalle Allah Yana umartan ku da ku mayar da amana zuwa ga masu su, kuma idan kunyi hukunci a tsakanin mutane kuyi hukuncin da adalci, lalle madallah da abunda Allah Yake muku wa'azi da shi. Lalle Allah Ya kasance Mai yawan ji mai yawan gani) (Albakara: 58).

Bambanci tsakanin aro da ajiya

Wanda zai borewa aro tamkar ɓarawo yake, za a yanke hannunshi, amma kuma ajiya ba haka bane.

Mutum zai karɓi aro ne domin buƙatanshi sai ya tabbatar da shi, amma kuma ajiya mutum zai karɓe ta ne domin neman kusanci zuwa ga Allah, to shi amintacce ne babu tabbaci a kanshi saidai idan ya bawa wani ko yayi sakaci.

Abunda aro yake ƙarewa da shi:

ƙarewan lokaci a cikin aron da aka saka mishi lokaci.

Janyewan wanda ya bayar da aron, a cikin ɗaya daga cikin yanayi masu zuwa:

Haukacewan ɗaya daga cikin ɓangarori biyun.

Tsare daya daga cikin ɓangarori biyun domin wauta ko asara.

Mutuwan ɗaya daga cikin ɓangarori biyun.

Halakar abun aron.

Wani ya cancanci abunda aka aran.

Haƙiƙa ka kammala wannan darasin cikin nasara

Ka fara jarrabawa

Canza yare

Ka ci gaba da karatu

Recently viewed

Recent Members

Darrusa