தற்போதைய model (மாதிரி) பிரிவு :
பாடம் தொழுகையின் அர்த்தமும் சிறப்பும்
இப்பாடத்தைப் பூர்த்தி செய்யுங்கள், மற்றுமொரு மணவனை count பண்ணுங்கள்:
ஸலாத் எனும் வார்த்தையின் அடிப்படை அர்த்தம்
உடலால் செய்யும் வணக்கங்களில் தொழுகை மிக மகத்தான, பிரதான வணக்கமாகும். இது உள்ளம், சிந்தனை, நாவு அனைத்தையும் உள்ளடக்கிய ஒரு வணக்கமாகும். தொழுகையின் முக்கியத்துவம் பல விடயங்களில் வெளிப்படுகின்றன :
தொழுகையின் சிறப்பு
2. முஸ்லிம்களையும் நிராகரிப்பாளர்களையும் வேறுபடுத்திக் காட்டுவதும் இத்தொழுகையே. நபி (ஸல்) அவர்கள் கூறினார்கள் : "(முஸ்லிமான) ஒரு மனிதருக்கும் இணைவைப்பு, நிராகரிப்பு ஆகியவற்றுக்கும் இடையிலுள்ள வேறுபாடு தொழுகையை விடுவதே". (முஸ்லிம் 82). மேலும் கூறினார்கள் : "எங்களுக்கும் அவர்களுக்குமிடையில் உள்ள உடன்படிக்கை தொழுகையாகும். அதனை விடுபவன் காபிராகி விடுகின்றான்". (திர்மிதீ 2621, நஸாஈ 463).
3. பயணம், ஊரிலுள்ள சந்தர்ப்பம், யுத்தம், சமாதானம், நோய் ஆரோக்கியம் என அனைத்து நிலைகளிலும் தொழுகையைப் பேணுமாறு அல்லாஹ் பணித்துள்ளான். அந்தந்த சந்தர்ப்பங்களில் முடியுமான முறையில் அது நிறைவேற்றப்பட வேண்டும். அல்லாஹ் கூறுகின்றான் : "தொழுகைகளைப் பேணித் தொழுது வாருங்கள்". (பகரா : 238). தனது நல்லடியார்களைப் பின்வருமாறு வர்ணித்துள்ளான் : "அவர்கள் தமது தொழுகைகளைப் பேணுவார்கள்". (முஃமினூன் : 9).
தொழுகையின் சிறப்புக்கள்
1. அது குற்றங்களுக்குப் பரிகாரமாகின்றது . நபி (ஸல்) அவர்கள் கூறினார்கள் : "ஐவேளைத் தொழுகைகளும், ஒரு ஜும்ஆவிலிருந்து மறு ஜும்ஆ வரியிலும் பெரும்பாவங்கள் செய்யாமலிருக்கும் வரை அவற்றுக்கிடையிலான காலங்களுக்குக் குற்றப்பரிகாரங்களாகும்". (முஸ்லிம் 233, திர்மிதி 214).
2. தொழுகை ஒரு முஸ்லிமின் முழு வாழ்க்கையையும் ஜொலிக்கச் செய்யும் ஒரு ஜோதியாகுமம். நலவு செய்யஉதவுகின்றது. கெடுதியை விட்டும் அவனைத் தூரப்படுத்துகின்றது. அல்லாஹ் கூறுகின்றான் : "நிச்சயமாக தொழுகை மானக்கேடானவற்றையும், பாவத்தையும் விட்டுத் தடுக்கின்றது". (அன்கபூத் : 45). நபி (ஸல்) அவர்கள் கூறினார்கள் : "தொழுகை ஒரு ஜோதியாகும்". (முஸ்லிம் 223).
ஓர் அடியான் முதலில் விசாரிக்கப்படும் செயல் தொழுகையே.
ஒரு விசுவாசி தனது இரட்சகனுடன் தொழுகையில் உரையாடும் சந்தர்ப்பம்தான் அவனுடைய மிக இனிமையான வினாடிகளாகும். அதிலே அவன் நிம்மது, மன அமைதி, அல்லாஹ்வின் நெருக்கம் அனைத்தையும் பெற்றுக் கொள்கின்றான்.
அதுதான் நபி (ஸல்) அவர்களுக்கு மிக இனிமையானதாகும். அன்னார் கூறினார்கள் : "எனது கண்குளிர்ச்சி தொழுகையிலேயே வைக்கப்பட்டுள்ளது". (நஸாஈ 3940).
நபியவர்கள் தனது முஅத்தின் பிலால் (ரலி) அவர்களைப் பார்த்து "பிலாலே! தொழுகை மூலம் எம்மை நிம்மதியடைச் செய்வீராக!" என்று கூறுவார்கள். (அபூதாவூத் 4985).
நபியவர்களுக்கு சோதனை அல்லது கஷடங்கள் வந்தால் தொழுகையின் பக்கமே ஒதுங்குவார்கள். (அபூதாவூத் 1319).
