பெரும்பான்மையான மக்களுக்கு வெளியே வருவதில் அதிக சிரமமிருந்தால் தனது அதானில் "நீங்கள் உங்கள் இடங்களிலேயே தொழுங்கள்" , "நீங்கள் உங்கள் வீடுகளிலேயே தொழுங்கள்" போன்ற பள்ளியில் தொழுகையை நிறைவேற்றத் தேவையில்லை என்பதை உணர்த்தும் வார்த்தைகளை முஅத்தின் கூற வேண்டும்.

மக்காவை அடுத்துள்ள 'ளஜ்னான்' என்ற ஊரில் மிகக் குளிரான ஓர் இரவில் இப்னு உமர்(ரலி) அதான் கூறினார்கள். அதன் கடைசியில் 'உங்களுடைய இடங்களிலேயே தொழுது கொள்ளுங்கள்' என்றும் கூறினார்கள். மேலும் 'பயணத்தின்போது, குளிரான இரவிலும் மழை பெய்யும் இரவிலும் முஅத்தின் அதான் சொல்லும்போது அதன் கடைசியில் 'உங்களுடைய இடங்களிலேயே தொழுது கொள்ளுங்கள்' என்று சொல்லுமாறு முஅத்தினுக்கு நபி(ஸல்) அவர்கள் கட்டளையிடுவார்கள் என்றும் இப்னு உமர்(ரலி) கூறினார். (புஹாரி 632, முஸ்லிம் 697).

இரு தொழுகைகளை சேர்த்துத் தொழுதல்

இரு தொழுகைகளை சேர்த்துத் தொழுதல் என்பது தகுந்த காரணங்களுக்காக ளுஹரை அஸருடன் சேர்த்தும், மஃரிபை இஷாவுடன் சேர்த்தும் முற்படுத்தியோ, பிற்படுத்தியோ இரு நேரங்களில் ஒரு நேரத்தில் தொழுவதைக் குறிக்கின்றது.

முஸ்லிம்கள் தொழுகைகளை அவற்றுக்குரிய நேரத்தில் நிறைவேற்றுவதே அடிப்படையாகும். அல்லாஹ் கூறுகின்றான் : "பின்னர் நீங்கள் (ஆபத்தினின்று விடுபட்டு) அமைதியான நிலைக்கு வந்ததும், முறைப்படி தொழுது கொள்ளுங்கள் - ஏனெனில், நிச்சயமாக குறிப்பிட்ட நேரங்களில் தொழுகையை நிறைவேற்றுவது முஃமின்களுக்கு விதியாக்கப் பெற்றுள்ளது." (நிஸா : 103). இதனால்தான் சேர்த்து தொழுவதற்கான தகுந்த காரணம் உறுதியாகாமல் சேர்த்து தொழ முடியாது. தகுந்த காரணமின்றி சேர்த்துத் தொழுவது பெரும்பாவங்களில் ஒன்று என உமர் பின் கத்தாப் (ரலி), இப்னு அப்பாஸ் (ரலி) போன்றரைத் தொட்டும் அறிவிக்கப்பட்டுள்ளது.

சேர்த்துத் தொழும் போது ஒரு அதான் போதுமானது, ஒவ்வொரு தொழுகைக்காகவும் வெவ்வேறு இகாமத் கூற வேண்டும். பிந்திய ஸுன்னத்களையும், தொழுது முடிந்து ஓதும் திக்ருகளையும் இரண்டு தொழுகைகளும் முடிந்த பின் நிறைவேற்ற வேண்டும்.

"குளிர்காலத்தில் நோன்பு நோற்பது எளிதான இரையாகும்" என ஒருவர் கூறியதாக அறிவிக்கப்பட்டுள்ளது. உமர் (ரலி) அவர்கள் கூறினார்கள் : "குளிர்காலம் வணக்கசாலிகளின் இரையாகும்".

உமது பாடத்தை வெற்றிகரமாக பூர்த்தி செய்துள்ளீர்