kutaan ammaa model
Barnoota maalummaa ibaadaa
Ibaadaa (gabbartii) jechuun homa Rabbi jaalatu hunda hojiiwwaniifii jechootarraa, tanmul'attuufii tan dhokattus, hojiifii jechi inni jaalatu hundi ibaadatti lakkaawamma.
Maalummaa ibaadaa.
Ibaadaa jechuun ajajamuudha jalala kabajaafii ufgadiqabuun wajji. isiin haqa Rabbiin gabroota isaarraa qabu. tokkolleen itti shariikuun maletti isuma qofaaf haqa taate. isiin hojiifii jechoota Rabbiin jaalatu tan ummata itti ajaje itti kakaase hunda uf keessaa qabdi. hojii mul'attuu akka salaataa, zakaataa, hajjii tahuu, hojii dhokattuu akka qalbiin Rabbi zakkaruu, sodaa, irkannoo, isatti gargaarsifachuufii k.k.f.
Rabbiin rahmata gabroottaniif godhee ibaadaa gosa adda addaa isaaniif taasise.
Hikmaa Rabbiirraa ibaadaa gosa adda addaa godheef gabroottan isaatiif, akka namni osoo hin hifanne nashaaxaafii mirqaanaan itti jabaatuuf jecha. ta qalbii isaa mirqaansitu akka itti jabaatuuf.
akuma ibaadaan gosa hedduuti namnis fedhiifii dandeettii keessatti gosa hedduudha, gariin namaa ibaadaa garitti mirqaana taanirra. gariin namatti tola ooluutu isa jaalachiisa, kuuni soomana sunnaa heddummeessuu fedha, kan sadeessa qalbiin isaa qur'aana qara'uufii haffazutti mirqaanti.
nabiin s.a.w. akki jedhe "namni warra salaataarraa tahe jannatarraa akka seenuuf hulaa salaataatiin yaamama, namni warra jihaadaarraa tahe hulaa jihaadaatiin yaamama, namni warra sadaqaarraa tahe hulaa sadaqaatiin yaamama, nami warra soomanaarraa tahe hulaa rayyaanirraa yaamama". abuu bakrissidiiq nijedhe namni hulaa san hundaa yaamame rakkorraa bahee (milkaayee), garuu hulaa san hundarraa namni tokko yaamamaa? nabiin "eeyyen, ati jara sanirraa tahuudhan kajeel". bukhaarii 1897, muslim 1027.
hundi hojii mu'iminaa ibaadaadha yoo Rabbitti dhihaachuu itti niyyate, ibaadaan islaama keessatti gabbartiilee beekamoo tahan tan akka salaataaf soomanaaf fakkattota isaanii qofaa miti, hundi hojii gaggaarii niyyaa bareedduun wajji ibaadaa irratti galata argatan taati, namni muslimaa osoo ibaadaa Rabbiirratti jajjabaachuu itti niyyatee nyaatee, yookaa dhugee, yookaa rafee, sawaaba irratti argata.
muslimni jiruu isaa hunda Rabbiif jiraata, yeroo nyaatu ibaadaa Rabbiirratti jajjabaachuuf nyaata, nyaanni isaa kan niyyaa kanaan tahe ibaadaadha. lubbuu isaa baalagummarraa tiiysuuf fuudha, fuuni isaa ibaadaadha. fakkii kanaan daldalli isaa, hojiin isaa, maallaqa carraaquun isaa ibaadaadha. barnoonni isaa,waraqaa ragaa fudhachuun isaa, qorannoon isaa, waan haarawa baasuun isaa, ibaadaadha. jaartiin jaarsaafii joollee mana isii tajaajiluun isii ibaadaadha. akkanatti adeemsi hojii jiruu hundi dalagaan gaggaariin jiruu hundi, niyyaan toltuun itti qindooynaan ibaadaadha.
ibaadaan waan uumamneefi.
Rabbiin akkana jedhe "namaafii jinnis haa nagabbaraniif malee hinuumne. hireefii na nyaachisus isaanirraa hinbarbaadu, Rabbiin isa kahiree kennuabbaa humna jabduuti". zaariyaat56-58
hikmaan namaafii jinniin uumamaniif ibaadaa Rabbii tahuudha Rabbiin dubbate, Rabbiin ibaadaa isaaniirraa dureessa, isaantu ibaadaa Rabbiiti haajamoodha, waan Rabbitti haajamoo tahaniif jecha.
yeroo namni waan uumameef dagatee, qananii jiruu duniyaa jalatti dhama'e, kan beeyladaa biraatiin walfakkaatu kan sadarkaa hinqabne taha. beeyladoonnis nyaattee bobbaatee jiraatti, garuu akhirattii hingaafatamtu. ammoo ilmi namaa nigaafatama. Rabbiin akkana jedhe "warreen kafaran niqanani'an, akkuma beyladaan nyaattutti nyaatan, ibiddi itti gala isaaniiti". muhammad 12. hojiifii kaayyoon beyladaa fakkaatan, garuu isaan kanarratti galata argatu, isaan waan qalbii ittiin yaadaniifii hubatan qabaniif jecha, faallaa beeyladaati isiin qalbii hinqabdu.
ibaadaan roga yookaa utubaa sadihirratti gadidhaabbatti isiin sun walguutti.
Roga ibaadaa.
ibaadaan Rabbii gabroottarratti dirqama godhe Rabbiif ufgadi qabuun guutuun jirachuu, isaa sodaachuu, haalaan isa jaalachuufiiisa kajeeluufii abdachuun wajji.
kana jechuun jaalaalti sodaafii ufgadiqabuun wajji hinjirre - akka jaalal nyaataafii maallaqaa - ibaadaa miti. akkasuma sodaan jaalalti bira hinjirre tan akka sodaa bineensa nama nyaatuu yookaa mootii zaalimaa ibaadaa hintaatu. yogguu sodaa, jaalalaafii kajeellaan hojiin wajji ibaadaa taha. ibaadaan Rabbiif qofa malee hintaatu.
muslimtichi yoo salaatee soomanee, kan kanarratti isa kaase jaalala Rabbiitiifii kajeellaa isaa yoo tahe azaaba isaa sodaa yoo tahe, ibaadaa keessa jira jedhama. yoo akkuma hinsalaatu isaan hinjetteef qofa salaate, bu'aa fayyaa qofa barbaachaaf soomane ibaadatti hinjiru.
Rabbiin akkana jedhe "isaan toltutti daddafankajeelaa sodaataa nukadhatan, nuuf sodaatoo tahuu turan" anbiyaa 90
gosa ibaadaa
1-ibaadaa hundee
isiin waan Rabbiifii ergamaan Rabbii s.a.w. itti ajajani, akkaataa itti godhanii. ibaadaa malee waan biraa hintaatu. isiin tan akka salaata, soomana hajjii du'aa'ii, xawaafaafii waan kana fakkaatu, ibaadaaleen tuni Rabbiif malee hingodhamtu, isa malee kan biroorraa galata irratti barbaaduunis hintahu.
2- waan niyyaan ibaadaa tahu.
isiirraa amala gaarii tan Rabbiin itti ajajee itti yaame, haadhaaf abbatti toluu, namatti toluu, roorrifamaa gargaaruu, kkf aadaa babbareedduufi amaloota gaggaarii, tan Rabbiin akka waliigalaatti itti ajaje, tan namni isii dhiisuudhaan dilaayu, ibaadaa gosa tana keessatti hordoffiin bal'innaa dirqamaa miti, isa faallessuu dhabuufii dogoggora eegachuutu gaya.
hojiileen tuni yoo namni hojjatu niyyaa isaa tolfate, jaalala Rabbiitiin gayuu barbaade galata argata, yoo osoo fuula Rabbii itti hin niyyatin hojjate sawaaba itti hinargatu, garuu hindilaayu, ibaadaalee akkanaa tana keessaa hojii idilee jiruuti tan akka hirriibaa, hojii, daldala, ispoortii, kkf. hundi hojii faayda qabeessa namni ittiin jaalala Rabbii barbaadu galata itti argata, Rabbiin akkana jedhe "nuti nama hojii tolche galata isaa hinballeeysinu". kahfi 30
ibaadaan fayyaa tahuufii qeebalamuuf ulaagaa lama qabdi.
,
jechi Rabbii oltahee "ibaadaa Rabbii isaatti tokkollee akka hinqindeessine" ibaadaa Rabbiif qulqulleessutti ajaja. jechi isaa "hojii gaarii" jedhu karaa nabii hordofutti qajeelcha, hojii gaarii jechuun kan sirriidhaa jechuudha, sirrii tahuf ammoo karaa nabii gaxxamuu qaba, namni Rabbiifii guyyaa boodaa barbaade ulaagaa lameen aayata kanatti dubbatamte guutee haa Rabbi gabbaruu.
