murti Rabbii toltuuf hamtuu isiittis ni amanna, isiin roga roga iimaanarra taheedha. hundi waan gabroota tuquu balaa dhukkuba balaa balleesituu murtiifii hiree Rabbiitiini. murtii Rabbii nijaalanna hinjibbinu, obsa hindhabnu. Rabbiin akki jedhe "balarraa hinbuune hayyama Rabbiitiin malee, nama Rabbitti amane qalbii isaati qajeelcha, Rabbiin waahunda beekaadha". tagaabun 11

muiminni wanni amanu dhukkubni humna ufiitiin hindabartu. murtiifii ajaja Rabbiitiini kanumaan wajji sababaa qabatamaa tan ittisaafii tan fayyaa qabachutti nu ajaje. waan dhukkuba fidurraa fagaachuun, bakka madda dhukkubaarraa fagaachuun. nama dhukkubetti makamuu dhabuudhaan uf eeggannoo godhuu. nabiin s.a.w. akki jedhe "dhukkubni ufiin dabruun hinjirtu, hooddanni hinjirtu, shimbira halkaniitiin hooddatuun hinjirtu, ji'a safariin hooddatuun hinjirtu, nama qomaaxaa qaburraa akka leencarraa dheeysitutti dheeysi". bukhaarii 5707

dhukkubni azaaba Rabbirraa tahe kaafiraafii munaafiqaaf, ammoo muimintootaaf rahmata. sadarkaa isaanii olfuudhuufi, balleessaa isaanii isaaniif araaramuufi, aaishaan koleerarraa nabiin gaafattee akki jedheen "inni azaaba Rabbiin abba fedhetti ergu, Rabbiin muimintootaaf rahmata isa godhe, namni tookko biyya koleeraan itti buetti obsee rabbirra kaayatee, wan Rabbiin isarratti katabe malee isa hintuuyxuu beekee taa'e fakkiin galata wareegamaa isaaf katabamu malee hinhafu" bukhaarii 3474

muslimni yeroo hamtuu tana keessatti waan warra seeraqabeessarraa labsame dhagayuu qaba. dantaa hawaasummaa dantaa dhuunfaa dursuun itti gaafatamummaa isaa bahuu qaba. waan biyya tasgabeessee joiruu akka duritti deebisurratti walgargaaruun qaba. Rabbiin akki jedhe " toltuufii sodaa Rabbiirratti walgargaaraa, diliifii diinummarratti walhingargaarinaa" maaidaa 2.

olola oofuu kijiba haraam taherraa tahuun beekamaadha. sodaa hawaasa keessatti uuma. kanaaf odeeffannoo dhugaa hintahin tokko facaasuun dhoowwaadha. Rabbii bifa munaafiqootaa yoo ibsu akkana jedhe "yeroo oduun nagayaa yookaa sodaa isaanitti dhufe nifacaasan, osoo isa gara ergamaatiifii gara angaawota isaanirraa tahee deebisani warreen isa gingilchan silaa nibeekan ...". nisaa'i 83.

islaamummaan kuufachuufii gowwoomsuu haraam goote. gatii qaalessuufii magaalaa nyaata ummataatiin taphachuu nidhoowwite. keessaawuu yeroo rakkoo. kuni qabeenya dharaan nyaachuudha, gantummaadha, imaanaa diiguudha, xiqqaatummaadha. nabiin s.a.w. nijedhe "namni midhaan bukhaaratti kuufate muslimtootarratti qaalessuuf inni balleesaadha". musnad 8617

karuma kamiinuu haatahu dhukkuba beekaa dhukkubsatarraa gara nama fayyaatti daddabarsuun haraami dhoowwamaadha. dilii gurgoddorraa lakkaawama. adunyattis nama adabsiisa. addabbiin isaa hanga guddinna yakka isaatiin hanga hammeenya miidha dhuunfaafii hawaasarraan geesseetiin walcaalti,