kutaan ammaa model
Barnoota waqfii
gariin warra Rabbiin itti bal'isee qabeenya isaa waan dhaabbataa kan bu'aan isaa itti fufu karaa Rabbii keessatti kennachuu barbaada. akka sawaaba isaa jiruu isaaniitiifii du'a boodan argataniif jecha. akka haajamtoonni irraa fayyadamaniif jecha.
Sawaaba Rabbirraa barbaachaaf jecha hundee qabeenyaa hanbisanii faaydaa isaa karaa kheyriitti sadaqachuudha.
murtii waqfii.
waqfiin jaalatamtuudha, sadaqaa caaltuudha. caaltu gosa toltuu, jaalatamtuufii gargaarsaati. tan bu'aa heddummaattu tan faaydaan walgeessuudha. hojii du'a boodallee addaan hincinne waan taateef jecha.
ogummaa waqfii.
waqfii Rabbiin karaa godhe faaydaa bu'aa adduuniyaaf akhiraatiif. gabrichi jaalal Rabbii barbaachaaf qabeenya isaa waqfii godhee sawaaba guddaa argata. toltuun isaa du'a isaa boodallee ittifufti. warri waqfiin irratti godhamtes qabeenya sanitti fayyadama, abbaa waqfii godheef du'aa'ii godha. tokkummaan hawaasaa nicima.
inni caalaa sadaqaati. sadaqaa itti fufaa karaa kheyrii keessatti tahe waan taheef.
Rabbiin akkana jedhe "toltutti hingeessan hanga waan jaalattanirraa kennattanitti". ala imraan 92
Abdallaa ibnu umar irraa abbaan isaa umar kheybaritti dachii argate, nabiyyitti dhaqee dachii kheybaritti argadhe, qabeenya hangas bareedaa takkaa hinarganne. mee maalitti na ajajja? jedheen. yoo feete hundee hanbiifteeti sadaqatta" jedheen. umar nisadaqate hundeen isii hingurguramuhinkennamu, hindhaalamu. hiyyeeyiifi, firaafi, bilisomfamtootaafi, warreen karaa Rabbii kessattiifi,keysummaafii nama karaa deemuufi. namni isii hooggane haala beekamaan yoo nyaate dhoowwaa miti, yoo saahiba isaa osoo hinsinqeeffatinitti nyaachises nitaha". jedhee waqfii godhe. bukhaarii 2772 muslim 1632
gosa waqfii
akka nama masgiida , madrasaa barattootarratti waqqafeeti. yooka mana dadhabdootaataaf, hiyyeeyyii yatiimaafii gursummayaaf waqqafeeti.
akka mana jaaree dhaaltota isaatiif waqqafuuti. yookaa ooyruu waqqafee midhaan isii isaaniif godhuuti.
waqfiin waalama kessaa tokkoon hidhama.
ulaagaa waqfii.
waqfiin hanga murtaaye hinqabdu, akkuma hiyyumaafii durummaa namaatiin waldhabdi. namni dureessa tahee nama isa dhaalu hinqabne qabeenya isaa hunda haawaqqafuu. namni qabaataa tahee dhaaltuu qabu cina waqqafee cinaa dhaaltotaaf haagodhuu.
waqfiin yeroon hindaaggefamu zalaalam Rabbumaaf godhama. namni dachii mana ooyruu takka waqfii godhe qabeenya isaarraa baate, gurguruufii kennus hindandayu. hindhaalamtu hindeeffamtu, dhaaltonni isaa isii gurguruu hindandayan. isiin dhuunfanna dhaalamaa isaaniirraa baate.
namni tokko jecha waqfii yoo dubbate, yookaa hojiin waqqafe, waqfiin mirkanaaye. warri waqfii ittigodhan qeebalutti hinhaajamu. bulchas hayyamsiisutti hinhaajamu. waqfiin mirkanooynaan waan waqfummaa isaa faallessu itti hojjachuun hintahu.
namni yeroo waqfii godhu waan bareedduu haagodhuu, tan irra caaltuufii tan isa biratti jaalatamtuutaate. Rabbiin gaariidha, waan gaarii malee hinqeebalu.
caaltuun waqfiidhaa tan ummata hedduu walgeessu, tan yeroo dheertuu turtu. akka waqfii masgiidaa, darasootaa, mujaahidootaa, firaa, hiyyeeyyii muslimaafii dadhabdoota isaanii.
